Spoor- un Kreditbank Hammoh

De Spoor- un Kreditbank Hammoh eG is en Bank mit Seet in Hammoh. De Bank höört to’n Genossenschaftsverband un hett fiev Filialen in’n Landkreis Stood. Den Vörstand billt Gerd Pott un Manuel Ropers, de Vörsitter von’n Opsichtsraad is Klaus Ahrens.

De BLZ is 200 698 00 un de BIC GENO DEF1 HAA. De Bilanzsumm weer an’n 31. Dezember 2014 117,26 Millionen Euro, de Inlagen 71,14 Milljonen Euro un de Kunnenkredite 78,88 Milljonen Euro. De Bank hett 1331 Maten un 8012 Kunnen mit 16.017 Konten (Stand 31. Dezember 2014).^[1]

Blangen Hammoh hett de Bank ok noch Filialen in Düünbeudel, Wiepenkathen, Hagen un Hahl.

Organisatschoon

De Spoor- un Kreditbank Hammoh is en Genossenschaftsbank. Rechtsgrundlagen sünd dat Genossenschaftsgesett un de Satzung, de de Opsichtsraad fastsett. Orgaans von de Bank sünd de Vörstand un de Opsichtsraad.

Geschäft

Dat Ünnernehmen bedrifft dat Universalbankgeschäft. In’t Verbundgeschäft deit de Bank mit de DZ Bank, R+V Versekerung, Bospoorkass Schwäbisch Hall, Teambank, VR Leasing un de Union Investment tohooparbeiden.

Historie

Dat Ünnernehmen is an’n 19. Juni 1923 as eGmuH (indragen Genossenschaft mit unbeschränkte Haftung) grünnt worrn.^[2] An’n 24. Juni 1945 is se in en indragen Genossenschaft mit beschränkte Haftung (eGmbH) ümwannelt worrn^[2] un hett 1951 dat eerste egene Gebüüd kregen.^[2]

De Spoor- un Dorlehnskass eGmbH Wiepenkathen is 1913 grünnt worrn.^[2]

1965 sünd de beiden Kassen in Hammoh un Wiepenkathen dör Fusion tohoopgahn.^[2] In dat sülve Johr hett de Bank denn ok Filialen in Düünbeudel un Haddörp apenmaakt, 1966 tosätzlich in Hahl un 1981 in Hagen.^[2]

1983 is de Bank in Hammoh in en neet Gebüüd an de Bahnhoffstrat 43 tagen.^[2] De Filiaal in Haddörp hett 2001 en Neebo kregen un de Hauptstell in Hammoh 2007 en Anbo.^[2] In dat Johr 2015 hett de Filiaal in Wiepenkathen en Neebo kregen un de Hauptstell is renoveert worrn.^[2] De Filiaal in Haddörp hett Anfang 2014 dichtmaakt.