Marienkark (Grootweurn)

Vun Wikipedia
Zur Navigation springen Zur Suche springen

De Marienkark is de evangeelsch-luthersche Kark von dat Dörp Grootweurn, de to de Karkengemeen von de Petrus-Kark in Host (Karkenkreis Stood) tohöört. Ehren Naam hett se von Maria. Fröher weer Grootweurn en egenstännig Kaspel to dat blangen Grootweurn noch Neeland tohöört hett, later is dat denn aver mit Host to en ne’e Karkengemeen tohoopleggt worrn.

Historie[ännern | Bornkood ännern]

De Fackwark-Kark ut Backsteen is 1636 boot worrn un hett en Toorn ut Holt. Vördem harr dat al en lüttjere Kapell in Grootweurn geven. De Kanzelaltor is von 1704 un de Kark hett en Kroonlüchter von 1667.

1950 is de Kark, de deelwies afsackt weer, opricht worrn. 1975 is se saneert worrn un hett ne’e Finstern kregen. 2012 hett de Kark för 210.000 Euro en neet Dack kregen.

De ole Klock ut Bronz, de 1757 ut en noch öllere Klock ümgaten worrn is, müss in’n Tweten Weltkrieg afgeven warrn (Klockenkarkhoff). De ne’e Klock ut gaten Stahl, de denn kamen is, is nu ok al utrangeert un steiht vondaag vör’n Klockentoorn.

Blangen de Kark steiht en Kriegerdenkmaal för de Fullenen ut Grootweurn un Neeland ut de twee Weltkrieg’.


Koordinaten:53° 41′ N, 9° 15′ O