Oosterbrook

Dit Woort hett noch annere Bedüden: kiek dorför ünner Oosterbrook (Landkreis Rodenborg).

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln
Flach:	10,21 km²
Inwahners:	462 (31. Dezember 2023)
Hööchd:	2 m över de See
Postleettall:	21762
Vörwahl:	04751
Geograafsche Laag:	53° 47′ N, 8° 57′ O
Grenzen bi OSM:	1520087
Gemeenslötel:	03 3 52 045
Öörd in de Gemeen:	1
Börgermeester:	Peter von Spreckelsen (SPD)
Websteed:	www.osterbruch.de
Koort Kreis Laag von Oosterbrook in’n Landkreis Cuxhoben (Koort lett sik anklicken)

Luftbild von Oosterbrook 2011

Oosterbrook (hoochdüütsch Osterbruch) is en Dörp un Gemeen in de Samtgemeen Land Hadeln in’n Landkreis Cuxhoben in Neddersassen. De Gemeen hett 462 Inwahners (Stand 31. Dezember 2023).

To de Gemeen höört ok de Oort Ophusen mit to, de in’n Süüdoosten liggt. As Streekdörp warrt Oosterbrook in en Noorderenn un en Süderenn opdeelt.

Geografie

Oosterbrook liggt in de Masch an dat linke Över von de Elv. De Oort is so bi söss Kilometer von’n Stroom af. An de Oostgrenz von de Gemeen geiht de Haadler Kanaal langs.

De Naveröörd sünd Bahrdörp (Gemeen Belen) in’n Noordwesten, Kedenbrook (Gemeen Belen) in’n Oosten, Bülkau (Gemeen Bülkau) in’n Süüdoosten, Helmworth in’n Süden, Heimhusen in’n Süüdwesten, Pehmworth, Neenkarken un Brüünhemm (Gemeen Neenkarken) in’n Westen un Oterndörp (Gemeen Oterndörp) in’n Noordwesten.

Historie

De Oort kummt 1207 as Osterbrok toeerst in de Oorkunnen vör, as de Petrus-Kark von’n Bremer Arzbischop Hartwig II. an dat Breemsche Domkapittel schunken warrt.

Oosterbrook hett fröher to dat egenstännige Land Hadeln tohöört un von 1852 af an denn to dat Amt Oterndörp. Na 1885 weer dat in’n Kreis Hadeln. 1932 is dat an’n Landkreis Land Hadeln kamen un 1977 denn an’n Landkreis Cuxhoben.

In’n Eersten Weltkrieg sünd 23 Soldaten ut Oosterbrook fullen oder vermisst un in’n Tweten 47.

Standbild för Deister

1971 is op’n Hoff von Hermann Hahl dat beröhmte Springpeerd Deister boren worrn, dat later Paul Schockemöhle reden hett. Vondaag steiht en Standbild mit’n Kopp von dat Peerd vör dat Huus von de Karkengemeen Oosterbrook.

Inwahnertall

Johr	Inwahners
1824-00-001824	118 Füürsteden
1848-00-001848	736 Lüüd, 122 Hüüs
1858-00-001858	759
1910-12-011. Dezember 1910	544
1925-00-001925	571
1933-00-001933	516
1939-00-001939	488
1950-09-2323. September 1950	893
1961-06-066. Juni 1961	619
1970-05-2727. Mai 1970	537
1987-00-001987	515
1992-00-001992	497
1997-00-001997	546
2002-00-002002	561
2007-00-002007	565
2010-00-002010	566

Religion

Petrus-Kark

Oosterbrook is evangeelsch-luthersch präägt un billt mit de Petrus-Kark en egen Kaspel. De Kark kummt 1207 toeerst in de Oorkunnen vör. De öllste Örgel hett de Kark 1598 kregen (boot von Antonius Wilde), de hüdige is 1805/1806 von Georg Wilhelm Wilhelmi boot un 1964 von Alfred Führer restaureert worrn.

För de Kathoolschen is de Hillig-Krüüz-Kark in Oterndörp tostännig.

Politik

Gemeenraad

Gemeenraad

Johr \ Partei	Tall	SPD	CDU
2006	9	6	3
2011	9	6	3
2016	7	4	3

Liddmaten

• 2016:

  CDU: Andreas Meyer, Michael Ohms, Thorsten Steffens

  SPD: Anette Ahrens, Andrea Harwarth-von See, Martina Rybakowski, Peter von Spreckelsen

Börgermeesters

Tied	Börgermeester	Partei
1919-1933	Hermann Mohr
1933-1944	Gustav Seegemann
1944-1948	Hermann Mohr
1948-1956	Rudolf Winter
1956-1972	Hans Albers
1972-1991	Jürgen Steffens
1991-2001	Karl-Heinz Kraack
2001-	Peter von Spreckelsen	SPD

Wapen

Dat Wapen vun de Gemeen wiest baven op sülvern Grund dree blaue Eschers un ünnen op roden Grund en sülvern Peerkopp.

Kultur

Kriegerdenkmaal in Oosterbrook

In Oosterbrook gifft dat en Denkmaal för de Fullenen ut de twee Weltkrieg’.

Museums

Windmöhl an’n Swienskopp

Bi’n Swienskopp in’t Süderenn steiht en ole Galerie-Hollannermöhl, de 1863 boot worrn is un Griesgraue nöömt warrt. In de Oorkunnen dükert aver ok al för dat Johr 1652 en Möhl an disse Steed op. In de Windmöhl is 1988 en lütt Möhlenmuseum inricht worrn un dor sünd vondaag ok twee Feernwahnungen in.

Verenen

De Freewillige Füürwehr is 1933 grünnt worrn.

Weertschop un Infrastruktur

Na Noordwesten hen, op dat Rebeed von Brüünhemm, gifft dat en Windpark mit söss Windrääd. En tweten Windpark mit ölven Windrääd op Oosterbroker Rebeed un noch ölven op dat Rebeed von Bülkau un Kedenbrook gifft dat in’n Oosten. Bi Ophusen steiht ans noch en enkelt Windrad.

Verkehr

De Dörpstraat von Oosterbrook is in’n Noodoosten mit Kedenbrook verbunnen un in’n Süden na Helmworth un Bülkau hen. Von Noordwesten von Oterndörp her na Süüdoosten na dat Noorderenn von Bülkau hen löppt de Kreisstraat 16 dör Oosterbrook. Ans gifft dat noch en lüttjere Straat na Pehmworth.

De nächste Bahnhoff is in Oterndörp an de Nedderelvbahn.

Scholen

De Kinner ut Oosterbrook gaht na de Grundschool Oterndörp. De Oort hett aver en egen Kinnergoorn. Fröher harr dat Dörp ok en egen Volksschool.

Lüüd

De Maler Horst de Marées hett in Oosterbrook leevt un de plattdüütsche Schriever Ernst Söhl is 1901 in Oosterbrook boren.

Literatur

• Heiko Völker: Osterbruch. Beiträge zur Geschichte eines Hadler Kirchspiels. Oosterbrook 2007, ISBN 978-3-9808377-2-9

Weblenken

Oosterbrook. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun de Gemeen (hoochdüütsch)

Städer un Gemenen in den Landkreis Cuxhoben

Armsdörp | Belen | Bevers | Bülkau | Cuxhoben | Geestland | Godshem | Hagen | Heckthusen | Helmworth | Hemmoor | Hollnseth | Kumbarg | Lee | Loomst | Lox | Mittelsnohn | Neehuus | Neenkarken | Öberndörp | Oosten | Oosterbrook | Oterndörp | Schippdörp | Steenau | Stinst | Wannen | Wingst | Wuster Noordseeküst