Heimhusen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Heimhusen
Laag vun Heimhusen in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Neenkarken
Inwahners:
Postleettall: 21763
Vörwahl: 04751
Geograafsche Laag:
Koordinaten:53° 46′ N, 8° 55′ O
53° 46′ N, 8° 55′ O

Luftbild von Heimhusen un ümto von Süüdoosten keken (2013). Heimhusen liggt in de Bildmidd twüschen de Mehm un de Straat

Heimhusen (hoochdüütsch Heimhausen) is en lütten Oort in de Gemeen Neenkarken (Samtgemeen Land Hadeln) in’n Landkreis Cuxhoben, Neddersassen. De Hööv von Heimhusen höört to’n Oort Pehmworth mit to.

Geografie[ännern | Bornkood ännern]

De Oort liggt in Hadeln in de Masch von de Mehm. Dat Water ut dat Rebeed flütt över Gravens na de Mehm hen af. De Grenz twüschen Pehmworth un Heimhusen is de Utwettern.

De Naveröörd sünd Pehmworth in’n Noorden, Oosterbrook in’n Noordoosten, Ophusen, de Swienskopp un de Helmworther Siedendeel in’n Süüdoosten, Helmworth in’n Süden, dat Süderenn von Neenkarken in’n Süüdwesten un Neenkarken in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Kaspelsgericht Oosterenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort hett bet 1929 to de Gemeen Oosterenn-Oterndörp tohöört. As düsse Gemeen 1929 oplööst worrn is, is Heimhusen mit Pehmworth, Brüünhemm un en Deel von Scholen an de Gemeen Neenkarken kamen.

Inwahnertall[ännern | Bornkood ännern]

Johr Inwahners
1848-00-001848[1] 2 Hööv
1871-12-011. Dezember 1871[2] 33 Lüüd. 4 Hüüs
1885-12-011. Dezember 1885[3] 28 Lüüd. 4 Hüüs
1905-12-011. Dezember 1905[4] 21 Lüüd. 4 Hüüs

Religion[ännern | Bornkood ännern]

Heimhusen is evangeelsch-luthersch präägt un höört to dat Kaspel von de Severus-Kark in Oterndörp.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur[ännern | Bornkood ännern]

För Heimhusen is de freewillige Füürwehr Neenkarken mit tostännig.

Verkehr[ännern | Bornkood ännern]

Heimhusen is över de Straat dör Pehmworth na Neenkarken anbunnen an de Landsstraat 117, de in’n Noordwesten na de L 118 geiht un in’n Süden na Helmworth, Steenau un Beers. De L 118 wedder löppt in’n Noorden an de Bundsstraat 73, de in’n Noordwesten över Olenbrook na Cuxhoben föhrt un in’n Süüdoosten över Neehuus, Kumbarg un Hemmoor na Stood.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so 19 Kilometer in’n Noordwesten von Heimhusen an de B 73.

De nächste Bahnhoff is so bi söven Kilometer wied weg in’n Noordwesten de Bahnhoff Oterndörp an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner ut Heimhusen gaht na de Hinnerk-Willem-Kopp-School in Neenkarken. Fröher hett dat in Pehmworth en Volksschool geven, de aver 1931 dichtmaakt worrn is, üm all Schölers ut de Gemeen Neenkarken in een School to ünnerrichten.

Footnoten[ännern | Bornkood ännern]

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 68