Siedendeel

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Siedendeel
Laag vun Siedendeel in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Helmworth
Inwahners:
Postleettall: 21775
Vörwahl: 04755
Geograafsche Laag:
Koordinaten:53° 45′ N, 8° 56′ O
53° 45′ N, 8° 56′ O

De Siedendeel (hoochdüütsch Siedenteil) is en Oort in de Gemeen Helmworth (Samtgemeen Land Hadeln) in’n Landkreis Cuxhoben, Neddersassen.

Geografie[ännern | Bornkood ännern]

De Oort liggt in Hadeln in de Masch von de Mehm. Dat Water ut dat Rebeed flütt över de Siedendeler Wettern na de Mehm hen af. An’n Siedendeel langs löppt aver ok de ole Loop von de Gösch.

De Naveröörd sünd dat Süderenn von Oosterbrook mit’n Swienskopp un Ophusen in’n Noorden, Landmark un dat Süderenn von Bülkau in’n Oosten, Hohnswick un Mislag in’n Süden, Stroodiek in’n Süüdwesten, Helmworth in’n Westen un dat Süderenn von Neenkarken un Heimhusen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Kaspelsgericht Ooster-Helmworth in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort hett bet to’n 1. Oktober 1937 to de Gemeen Ooster-Helmworth tohöört, de sik denn mit Wester-Helmworth to een Gemeen tohoopslaten hett.

Inwahnertall[ännern | Bornkood ännern]

Johr Inwahners
1848-00-001848[1] 161 Lüüd. 28 Hüüs
1871-12-011. Dezember 1871[2] 136 Lüüd. 24 Hüüs
1885-12-011. Dezember 1885[3] 116 Lüüd. 23 Hüüs

Religion[ännern | Bornkood ännern]

De Siedendeel is evangeelsch-luthersch präägt un höört to dat Kaspel von de Wilhadi-Kark in Helmworth.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur[ännern | Bornkood ännern]

För’n Siedendeel is de freewillige Füürwehr Helmworth mit tostännig.

Verkehr[ännern | Bornkood ännern]

De Siedendeel is in’n Westen över lüttjere Straten anbunnen an de Landsstraat 117, de in’n Noorden na Neenkarken an de L 118 un wieder na Oterndörp löppt un in’n Süüdwesten över Steenau na Beers. An de L 144 in Bülkau is de Oort na Oosten hen över lüttjere Straten anbunnen. De L 144 föhrt in’n Noordoosten över Kedenbrook na Neehuus un in’n Süüdwesten över Godshem na Steenau an de L 117.

De nächste Autobahn is de Autobahn 27 (Afsnidd CuxhobenBremerhoben). De Opfohrt 3 Noordholt liggt so 20 Kilometer in’n Westen von’n Siedendeel an de K 14.

De nächste Bahnhoff is so bi teihn Kilometer wied weg in’n Noordwesten de Bahnhoff Oterndörp an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner ut’n Siedendeel gaht na de Grundschool Helmworth. Ok fröher sünd se al jümmer in Helmworth na Volksschool gahn.

Footnoten[ännern | Bornkood ännern]

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 157
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158