Mislag
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21775 | |
| Vörwahl: | 04755 | |
| Geograafsche Laag: | Koordinaten:53° 43′ N, 8° 56′ O53° 43′ N, 8° 56′ O | |
|
| ||
Mislag (hoochdüütsch Mislag) is en Oort in de Gemeen Helmworth (Samtgemeen Land Hadeln) in’n Landkreis Cuxhoben, Neddersassen.
Geografie
[ännern | Bornkood ännern]De Oort liggt in Hadeln in de Masch von de Mehm. Dat Water ut dat Rebeed flütt över de Mislager Wettern na de Mehm hen af. De Grenz na Godshem in’n Oosten warrt von de Gösch billt.
De Naveröörd sünd de Helmworther Siedendeel un Ophusen in’n Noorden, dat Süderenn von Bülkau in’n Oosten, Godshem in’n Süden, dat Noorderenn von Steenau in’n Süüdwesten, Stroodiek in’n Westen un Helmworth in’n Noordwesten.
Historie
[ännern | Bornkood ännern]Mislag is en Maschhovendörp.
Verwaltungsgeschicht
[ännern | Bornkood ännern]De Oort hett vör 1852 to dat Kaspelsgericht Ooster-Helmworth in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet to’n 1. Oktober 1937 to de Gemeen Ooster-Helmworth tohöört, de sik denn mit Wester-Helmworth to een Gemeen tohoopslaten hett.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 104 Lüüd, 19 Hüüs |
| 1. Dezember 1871[2] | 141 Lüüd, 25 Hüüs |
| 1. Dezember 1885[3] | 164 Lüüd, 29 Hüüs |
Religion
[ännern | Bornkood ännern]Mislag is evangeelsch-luthersch präägt un höört to dat Kaspel von de Wilhadi-Kark in Helmworth.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
[ännern | Bornkood ännern]För Mislag is de freewillige Füürwehr Helmworth mit tostännig.
Verkehr
[ännern | Bornkood ännern]Dör Mislag löppt de Kreisstraat 20, de in’n Noordwesten in Helmworth an de Landsstraat 117 ran geiht un in’n Süüdoosten in Lüchtenpils an de L 144. De L 117 föhrt von Helmworth in’n Noorden na Neenkarken an de L 118 un wieder na Oterndörp un in’n Süüdwesten över Steenau na Beers. De L 144 föhrt von Lüchtenpils in’n Noordoosten över Bülkau un Kedenbrook na Neehuus un in’n Süüdwesten över Godshem na Steenau an de L 117.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 3 Noordholt liggt so 21 Kilometer in’n Westen von Mislag an de K 14.
De nächste Bahnhoff is so bi twölv Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.
Scholen
[ännern | Bornkood ännern]De Kinner ut Mislag gaht na de Grundschool Helmworth. Ok fröher sünd se al jümmer in Helmworth na Volksschool gahn.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 157
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158