Neenkarken (Land Hadeln)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Neenkarken

Neenkarken
Laag vun Neenkarken in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Neenkarken
Inwahners:
Postleettall: 21763
Vörwahl: 04751
Geograafsche Laag:
Koordinaten:53° 47′ N, 8° 54′ O
53° 47′ N, 8° 54′ O

Gasthuus un dat as Denkmaal schuulte Huus Dörpstraat 38

Neenkarken (hoochdüütsch Neuenkirchen) is en Dörp in de Gemeen Neenkarken (Samtgemeen Land Hadeln) in’n Landkreis Cuxhoben, Neddersassen.

Geografie[ännern | Bornkood ännern]

De Oort liggt in Land Hadeln in de Masch von de Ünnerelv. Dat Water ut dat Rebeed flütt över de Mehm af.

De Naveröörd sünd Oterndörp in’n Noorden, Scholen un Brüünhemm in’n Noordoosten, Oosterbrook in’n Oosten, Pehmworth un Heimhusen in’n Süüdoosten, dat Neenkarker Süderenn in’n Süden, Höörfelln in’n Süüdwesten un Höden, Dellnwort, de Katthüserdeel un de Hoff Katthusen in’n Noordwesten.

Historie[ännern | Bornkood ännern]

Neenkarken kummt 1347 as Nygenkerken toeerst in de Oorkunnen vör.

In’n Eersten Weltkrieg sünd 31 Soldaten ut Neenkarken fullen oder vermisst.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Neenkarken in’n Kanton Oterndörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Kaspelsgericht Neenkarken in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort billt al von öllers dat Zentrum von de Gemeen Neenkarken.

Inwahnertall[ännern | Bornkood ännern]

Karkdeel:

Johr Inwahners
1848-00-001848[2] 339 Lüüd. 60 Hüüs
1871-12-011. Dezember 1871[3] 329 Lüüd. 61 Hüüs
1885-12-011. Dezember 1885[4] 308 Lüüd. 61 Hüüs

Mehmdeel:

Johr Inwahners
1848-00-001848[5] 171 Lüüd. 28 Hüüs
1871-12-011. Dezember 1871[6] 131 Lüüd. 29 Hüüs
1885-12-011. Dezember 1885[7] 129 Lüüd. 29 Hüüs

Religion[ännern | Bornkood ännern]

Kark in Neenkarken

Neenkarken is evangeelsch-luthersch präägt un is de Hauptoort von dat Kaspel von de Marien-Kark.

För de Kathoolschen is de Hillig-Krüüz-Kark in Oterndörp tostännig.

Kultur[ännern | Bornkood ännern]

Denkmaals för de Fullenen ut de twee Weltkrieg’ steiht in Neenkarken bi de Kark.

Verenen[ännern | Bornkood ännern]

De Schüttenvereen Neenkarken is 1950 grünnt worrn un de Turn- un Sportvereen 1922.

Weertschop un Infrastruktur[ännern | Bornkood ännern]

Neenkarken hett en egene freewillige Füürwehr.

Dat gröttste Ünnernehmen in dat Dörp is de Döhler Neuenkirchen GmbH, de üm un bi 170 Lüüd in Lohn un Brood hett un Fruchtsäft un Aromen herstellt. Dat Ünnernehmen weer bet 2001 as Dinter GmbH egenstännig, is denn aver von de Döhler GmbH övernahmen worrn.

De Werser-Elv-Spoorkass hett in de Dörpstraat en Filiaal in Neenkarken.

Verkehr[ännern | Bornkood ännern]

Dör Neenkarken löppt de Landsstraat 117, de in’n Noordwesten in de L 118 münnt un in’n Süden över Helmworth un de Steenauer Westersied na Beers geiht. De L 118 löppt in’n Noorden na de Bundsstraat 73 un na Oterndörp un in’n Süüdwesten över de Lee, Oosterwannen un Westerwannen na Niewohl un Debst.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so 16 Kilometer in’n Noordwesten von Neenkarken an de B 73.

De nächste Bahnhoff is so bi veer Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner gaht na de Hinnerk-Willem-Kopp-School in’t Dörp. Al siet 1616 is en School in dat Dörp nawiest.

De Oort hett ok en Kinnergoorn.

Lüüd[ännern | Bornkood ännern]

Denkmaal för Hinnerk Willem Kopp

De Müntmeester Marten Krönck is 1705 in Neenkarken boren, de Politiker Hinnerk Willem Kopp 1893 un de plattdüütsche Schriever Werner Tiet 1924.

De Theoloog Tobias Heinrich Schubart weer Pastoor in Neenkarken.

To Ehren von Hinnerk Willem Kopp steiht bi de Kark en Denkmaal, dat de Bildhauer Frijo Müller-Belecke herstellt hett.

Footnoten[ännern | Bornkood ännern]

  1. Onlineprojekt Gefallenendenkmäler
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 149
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 149
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158