Tobias Heinrich Schubart

Vun Wikipedia
Zur Navigation springen Zur Suche springen

Tobias Heinrich Schubart (ok: Theophilus Sincerus; * 14. Februar 1699 in Oosterbrook; † 22. Februar 1747 in Hamborg) weer en noorddüütschen Theoloog un Karkenleeddichter.

Schubart is 1699 as Söhn von Heino Schubart (1667–1725) in Oosterbrook boren. Sien Vader weer dor siet 1694 Pastoor. 1716 is Schubart op dat Johanneum in Hamborg gahn un hett 1720 en Studium von de Theologie an de Universität Jena anfungen. 1723 hett he sien Kannedatenexamen in Hamborg afleggt. He hett denn en Preddigersteed in Neenkarken kregen un later in Oosterbrook. An’n 29. August 1728 is he Preddiger an St. Michaelis in Hamborg worrn.

In de Johren 1733 un 1735 hett he Sammlungen von geistliche Leder, Preddigten un welk annere Schriften rutgeven, ünner annern een gegen Johann Christian Edelmann, Hamborg 1747. Siene Leder sünd op dat Zweckmäßige utricht. Johann Jacob Gottschald hett 28 Titel in sien Universaalgesangbook von 1737 (na Eduard Emil Koch) opnahmen. Welk von siene Leder finnt sik ok in Gemeengesangböker.