Hinnerk-Willem-Kopp-School (Neenkarken)

Vun Wikipedia
Zur Navigation springen Zur Suche springen

De Hinnerk-Willem-Kopp-School is en Grundschool in Neenkarken. Dreger is de Samtgemeen Land Hadeln. Se liggt in de Dörpstraat 52 un is nöömt na’n fröheren Ministerpräsident von Neddersassen, Hinnerk Willem Kopp, de ut Neenkarken stammen dee.

De School hett 6 Schoolmeesters, 4 pädagoogsche Mitarbeiders un 75 Schölers. Na de 4. Klass doot de Kinner in’e Regel na dat Schoolzentrum Oterndörp (Johann-Heinrich-Voss-School oder Gymnasium Oterndörp) wesseln.

De Schölers kaamt ut de Öörd von de Gemenen Neenkarken (Neenkarken, Brüünhemm, Dellnwort, Höörfelln, Katthüserdeel, Pehmworth, Scholen un dat Süderenn von Neenkarken) un de Lee (Lee, Kampen un Heernskoop).

Historie[ännern | Bornkood ännern]

1929 is de vörher egenstännige Gemeen Oosterenn Oterndörp oplööst worrn. Dorbi sünd de Öörd Brüünhemm un Pehmworth un en Deel von’n Oort Scholen an de Gemeen Neenkarken wesselt. Brüünhemm un Pehmworth harrn egene Volksscholen. De polietsche Gemeen un de Karkengemeen harrn nu Plaans, de lüttjen Volksscholen dichttomaken un in Neenkarken en ne’e grote School to boon. Besünners hett sik ok Hinnerk Willem Kopp dor för insett, de to disse Tied Landraad von’n Kreis Hadeln weer. Dat is denn so beslaten worrn un de Kark hett dor Land to geven, üm de School op dat Land to boon. De Boarbeiden hebbt in’n August 1930 anfungen. De Grundsteen is an’n 2. September 1930 leggt worrn un Richtfest weer an’n 18. Oktober 1930. An’n 13. April 1931 kunn de School inwieht warrn. 1932 is tosätzlich en Sportplatz anleggt worrn.

An’n 24. Juni 1959 hett de School den Naam Hinnerk-Willem-Kopp-School kregen.

As Volksschool hett de School lange Tied 9 Johrgäng hatt. Nadem vörher al de 9. Klass na Oterndörp ümschoolt worrn is, is 1965 denn ok de 8. Klass ümschoolt worrn. 1966 hebbt se de Turnhall inwieht.

Mit dat Schooljohr 2007/2008 is de vörher egenstännige Grundschool in de Lee en Butensteed von de Hinnerk-Willem-Kopp-School worrn. Von de veer Klassen hebbt twee in Neenkarken un twee in de Lee Ünnerricht.

Schoolbaas[ännern | Bornkood ännern]

  • Manfred Fetz
  • –2005: Christa Walschus
  • 2005–2006: Olaf Mohr (kommissarsch)
  • 2006–: Olaf Mohr

Weblenken[ännern | Bornkood ännern]


Koordinaten:53° 47′ N, 8° 54′ O