Süderenn (Neenkarken)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21763 | |
| Vörwahl: | 04751 | |
| Geograafsche Laag: | Koordinaten:53° 46′ N, 8° 54′ O53° 46′ N, 8° 54′ O | |
|
| ||
Dat Süderenn (hoochdüütsch Süderende) von Neenkarken is en Oort in de Gemeen Neenkarken (Samtgemeen Land Hadeln) in’n Landkreis Cuxhoben, Neddersassen.
Dat Süderenn billt ok den Süderdeel von Neenkarken.
Geografie
[ännern | Bornkood ännern]De Oort liggt in Land Hadeln in de Masch von de Mehm. Dat Water ut dat Rebeed flütt över Gravens na de Mehm hen af.
De Naveröörd sünd Neenkarken in’n Noorden, Brüünhemm un Pehmworth in’n Noordoosten, Heimhusen un dat Süderenn von Oosterbrook mit’n Swienskopp in’n Oosten, de Helmworther Siedendeel un Helmworth in’n Süüdoosten, Hasendörp un de Helmworther Wetternweg in’n Süden un Höörfelln in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1852 to dat Kaspelsgericht Neenkarken in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort höört al von öllers bi de Gemeen Neenkarken mit bi.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 154 Lüüd, 22 Hüüs |
| 1. Dezember 1871[2] | 118 Lüüd, 24 Hüüs |
| 1. Dezember 1885[3] | 132 Lüüd, 23 Hüüs |
Religion
[ännern | Bornkood ännern]Dat Süderenn is evangeelsch-luthersch präägt un höört to dat Kaspel von de Marien-Kark in Neenkarken.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
[ännern | Bornkood ännern]För dat Süderenn is de freewillige Füürwehr Neenkarken mit tostännig.
Verkehr
[ännern | Bornkood ännern]Dör dat Süderenn löppt de Landsstraat 117, de in’n in’n Süden na Helmworth, Steenau un Beers föhrt un in’n Noorden na Neenkarken un bi Höden an de L 118. De L 118 föhrt in’n Süüdwesten över de Lee, Oosterwannen, Westerwannen un Niewohl na Debst un in’n Noorden an de Bundsstraat 73 un wieder na Oterndörp.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 17 Kilometer in’n Noordwesten von dat Süderenn an de B 73.
De nächste Bahnhoff is so bi söss Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.
Scholen
[ännern | Bornkood ännern]De Kinner ut dat Süderenn gaht na de Hinnerk-Willem-Kopp-School in Neenkarken. In Neenkarken sünd de Süderenner Schölers ok fröher al na Volksschool gahn.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 149
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158