Swienskopp

Vun Wikipedia
Wapen/Flagg Koort
hett keen Wapen
Swienskopp
Laag vun Swienskopp in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Oosterbrook
Inwahners:
Postleettall: 21762
Vörwahl: 04755
Geograafsche Laag:
Koordinaten:53° 45′ N, 8° 56′ O
53° 45′ N, 8° 56′ O

Karte

Möhl an’n Swienskopp
De Möhl von wieder weg

Swienskopp (hoochdüütsch Schweinskopf) is de Naam von en lütten Oort in de Gemeen Oosterbrook (Samtgemeen Land Hadeln) in’n Landkreis Cuxhoben, Neddersassen.

Geografie[ännern | Bornkood ännern]

De Oort liggt in Hadeln. Dat Water ut dat Rebeed flütt över Wettern na de Mehm hen af.

De Naveröörd sünd dat Süderenn von Oosterbrook in’n Noorden, Ophusen in’n Oosten, de Helmworther Siedendeel in’n Süden, Helmworth in’n Süüdwesten, dat Süderenn von Neenkarken in’n Westen un Heimhusen in’n Noordwesten.

Historie[ännern | Bornkood ännern]

An’n Swienskopp is 1863 en Galeriehollanner-Windmöhl boot worrn, de ok de Griesgraue nöömt warrt. Na en Bericht ut dat Johr 1838 hett dat an de sülve Steed al 1652 en Möhl geven.

De Möhl is vondaag as Bodenkmaal schuult. De Möhl is in de Johren 1980 wedder herricht worrn un dor is siet 1988 en Mühlenutstellung in. Tosätzlich sünd dor twee Feernwahnungen ünnerbröcht.

Verwaltungsgeschicht[ännern | Bornkood ännern]

De Oort hett vör 1852 to dat Kaspelsgericht Oosterbrook in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort höört al von öllers bi de Gemeen Oosterbrook mit bi.

Inwahnertall[ännern | Bornkood ännern]

Johr Inwahners
1905-12-011. Dezember 1905[1] 3 Lüüd, 1 Huus

Religion[ännern | Bornkood ännern]

Swienskopp is evangeelsch-luthersch präägt un höört to dat Kaspel von de Petrus-Kark in Oosterbrook.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Straat an Swienskopp langs föhrt in’n Süden na de Kreisstraat 20 un wieder na de Landsstraat 118 in Helmworth un in’n Noorden na Oosterbrook an de K 16. De K 16 löppt von dor in’n Noordwesten na de Bundsstraat 73 bi Oterndörp un in’n Oosten na de L 144 bi Bülkau.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so 20 Kilometer in’n Noordwesten von Swienskopp an de B 73.

De nächste Bahnhoff is so bi acht Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner von’n Swienskopp gaht na de Grundschool Oterndörp.

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 68

Weblenken[ännern | Bornkood ännern]

Windmöhl Oosterbrook. Mehr Biller, Videos oder Audiodateien to’t Thema gifft dat bi Wikimedia Commons.