Brüünhemm
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21763 | |
| Vörwahl: | 04751 | |
| Geograafsche Laag: | Koordinaten:53° 47′ N, 8° 54′ O53° 47′ N, 8° 54′ O | |
|
| ||
Brüünhemm (hoochdüütsch Brüninghemm) is en Oort in de Gemeen Neenkarken (Samtgemeen Land Hadeln) in’n Landkreis Cuxhoben, Neddersassen.
Geografie
[ännern | Bornkood ännern]De Oort liggt an de Mehm in Land Hadeln un in de Masch von de Ünnerelv. Dat Water ut dat Rebeed flütt över de Brüünhemmer Waterlöös na de Mehm hen af.
De Naveröörd sünd Oterndörp in’n Noorden, Wellingsbüttel un Scholen in’n Noordoosten, Oosterbrook in’n Oosten, Pehmworth in’n Süüdoosten, dat Süderenn von Neenkarken in’n Süden, Neenkarken un Höden in’n Süüdwesten, Katthüserdeel in’n Westen un de Hoff Katthusen in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1852 to dat Kaspelsgericht Oosterenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Oosterenn-Oterndörp tohöört. As düsse Gemeen 1929 oplööst worrn is, is Brüünhemm mit Pehmworth un en Deel von Scholen an de Gemeen Neenkarken kamen.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 170 Lüüd, 31 Hüüs |
| 1. Dezember 1871[2] | 139 Lüüd, 31 Hüüs |
| 1. Dezember 1885[3] | 134 Lüüd, ?? Hüüs |
| 1. Dezember 1905[4] | 136 Lüüd, 31 Hüüs |
Religion
[ännern | Bornkood ännern]Brüünhemm is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
[ännern | Bornkood ännern]För Brüünhemm is de freewillige Füürwehr Neenkarken mit tostännig.
Verkehr
[ännern | Bornkood ännern]Dör Brüünhemm löppt de Kreisstraat 15, de in’n Süüdwesten in Neenkarken in de Landsstraat 117 münnt un in’n Noordoosten in Scholen in de K 16. De K 16 löppt von Scholen in’n Noordwesten na de Bundsstraat 73 un wieder na Oterndörp un in’n Süüdoosten na Oosterbrook un in Bülkau an de L 144. De L 117 föhrt von Neenkarken in’n Noordwesten an de L 118 un in’n Süden na Helmworth, Steenau un Beers. De B 73 löppt in’n Noordwesten över Olenbrook na Cuxhoben un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 16 Kilometer in’n Noordwesten von Brüünhemm an de B 73.
De nächste Bahnhoff is so bi veer Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.
Scholen
[ännern | Bornkood ännern]De Kinner ut Brüünhemm gaht na de Hinnerk-Willem-Kopp-School in Neenkarken. Fröher harr Brüünhemm ok en egen Volksschool in’t Dörp, de aver 1931 dichtmaakt worrn is, üm all Schölers ut de Gemeen Neenkarken in een School to ünnerrichten.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 68
