Katthüserdeel

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Katthüserdeel
Laag vun Katthüserdeel in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Neenkarken
Inwahners:
Postleettall: 21763
Vörwahl: 04751
Geograafsche Laag:
Koordinaten:53° 47′ N, 8° 53′ O
53° 47′ N, 8° 53′ O

Katthüserdeel is en lütten Oort in de Gemeen Neenkarken (Samtgemeen Land Hadeln) in’n Landkreis Cuxhoben, Neddersassen. De Oort warrt fakener ok eenfach Katthusen nöömt.

Geografie[ännern | Bornkood ännern]

De Oort liggt in Land Hadeln in de Masch von de Ünnerelv. Dat Water ut dat Rebeed flütt över Gravens na de Welster un de Mehm.

De Naveröörd sünd de Hoff Katthusen in’n Noorden, Oterndörp in’n Noordoosten, Scholen un Brüünhemm in’n Oosten, Neenkarken un Höden in’n Süüdoosten, Höörfelln in’n Süden, de Lee in’n Süüdwesten, Dellnwort in’n Westen un Süderwisch un Smeelweg in’n Noordwesten.

Historie[ännern | Bornkood ännern]

De Oort hett sien Naam von’n Hoff Katthusen, de anners as Katthüserdeel aver to de Gemeen Oterndörp höört.

Verwaltungsgeschicht[ännern | Bornkood ännern]

De Oort hett vör 1852 to dat Kaspelsgericht Neenkarken in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort höört al von öllers bi de Gemeen Neenkarken mit bi.

Inwahnertall[ännern | Bornkood ännern]

Johr Inwahners
1848-00-001848[1] 119 Lüüd. 17 Hüüs
1871-12-011. Dezember 1871[2] 108 Lüüd. 20 Hüüs
1885-12-011. Dezember 1885[3] 112 Lüüd. 21 Hüüs

Religion[ännern | Bornkood ännern]

Katthüserdeel is evangeelsch-luthersch präägt un höört to dat Kaspel von de Marien-Kark in Neenkarken.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur[ännern | Bornkood ännern]

För Katthüserdeel is de freewillige Füürwehr Neenkarken mit tostännig.

Verkehr[ännern | Bornkood ännern]

Dör Katthüserdeel löppt de Landsstraat 118, de in’n Süüdwesten över de Lee, Oosterwannen un Westerwannen na Niewohl un Debst geiht un in’n Noorden na de Bundsstraat 73 un na Oterndörp. De B 73 föhrt in’n Noordwesten över Olenbrook na Cuxhoben un in’n Süüdoosten över Neehuus, Kumbarg un Hemmoor na Stood. Von de L 118 na Westen geiht de Kreisstraat 8 af, de na Dellnworth un de Worth löppt.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so 14 Kilometer in’n Noordwesten von Katthüserdeel an de B 73.

De nächste Bahnhoff is so bi dree Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner ut Katthüserdeel gaht na de Hinnerk-Willem-Kopp-School in Neenkarken. Dor sünd se ok fröher al jümmer na de Volksschool hengahn.

Footnoten[ännern | Bornkood ännern]

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 149
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158