Smeelweg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21762 | |
| Vörwahl: | 04751 | |
| Geograafsche Laag: | Koordinaten:53° 48′ N, 8° 52′ O53° 48′ N, 8° 52′ O | |
|
| ||
De Hüüs an’n Smeelweg (hoochdüütsch Schmeelweg) billt en lütten Oort in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen.
Geografie[ännern | Bornkood ännern]
De Oort liggt in Land Hadeln in de Masch von de Ünnerelv. Dat Water ut dat Rebeed flütt över Waterlösen na de Mehm hen af.
De Naveröörd sünd Aßel in’n Noorden, Oterndörp in’n Noordoosten, Kampen, de Hoff Katthusen un Katthüserdeel in’n Süüdoosten, Süderwisch un Dellnwort in’n Süden un dat Oosterenn von Olenbrook in’n Westen.
Historie[ännern | Bornkood ännern]
Verwaltungsgeschicht[ännern | Bornkood ännern]
De Oort hett vör 1852 to dat Kaspelsgericht Westerenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Westerenn-Oterndörp tohöört. As düsse Gemeen 1929 oplööst worrn is, is Smeelweg an de Stadt Oterndörp kamen.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1871[1] | 59 Lüüd, 12 Hüüs |
| 1. Dezember 1885[2] | 52 Lüüd, 12 Hüüs |
| 1. Dezember 1905[3] | 57 Lüüd, 10 Hüüs |
Religion[ännern | Bornkood ännern]
De Smeelweg is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur[ännern | Bornkood ännern]
För’n Smeelweg is de freewillige Füürwehr Oterndörp mit tostännig.
Verkehr[ännern | Bornkood ännern]
Dör’n Smeelweg löppt de Bundsstraat 73, de in’n Noordwesten över Olenbrook na Cuxhoben föhrt un in’n Süüdoosten över Neehuus, Kumbarg un Hemmoor na Stood. Von de B 73 geiht na Noordoosten de Kreisstraat 70 af, de na Oterndörp rin föhrt. In’n Süden geiht de K 11 na Dellnwort an de K 9.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so ölven Kilometer in’n Noordwesten von’n Smeelweg an de B 73.
De nächste Bahnhoff is so bi dree Kilometer wied weg in’n Noordoosten de Bahnhoff Oterndörp an de Nedderelvbahn von Cuxhoben na Hamborg.
Scholen[ännern | Bornkood ännern]
De Kinner gaht vondaag na de Grundschool Oterndörp. Fröher harr de Oort ok en egen lüttje Volksschool.
Footnoten[ännern | Bornkood ännern]
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 159
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 69
