Lee (Landkreis Cuxhoben)

Vun Wikipedia
(wiederwiest vun Gemeen Lee)
Zur Navigation springen Zur Suche springen
Wapen/Flagg Koort

Wapen vun Lee

Lee
Laag vun Lee in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Flach: 21,29 km²
Inwahners: 1047 (31. Dezember 2016)
Hööchd: 1 m över de See
Postleettall: 21765
Vörwahl: 04758
Geograafsche Laag:
Koordinaten:53° 46′ N, 8° 50′ O
53° 46′ N, 8° 50′ O
Grenzen bi OSM: 1180040 1180040
Gemeenslötel: 03 3 52 041
Öörd in de Gemeen: 1
Börgermeester: Eugen Böhm
Websteed: www.nordleda.de
Koort
Kreis
NoordseeSleswig-HolsteenBremerhobenLandkreis OosterholtLandkreis RodenborgLandkreis StoodLandkreis WersermarschGemeen ArmsdörpGemeen BelenGemeen BeverstGemeen BülkauGemeen KumbargGemeen CuxhobenGemeen KumbargGemeen HeckthusenGemeen HemmoorGemeen HollnsethGemeen HelmworthGemeen LoomstGemeen LoomstGemeen LoxGemeen MittelsnohnGemeen NeenkarkenGemeen NeehuusGemeen LeeGemeen ÖberndörpGemeen GodshemGemeen OostenGemeen OosterbrookGemeen OterndörpGemeen SchippdörpGemeen SteenauGemeen StinstGemeen StinstGemeen WannenGemeen WingstGemeen Hagen (Landkreis Cuxhoben)Gemeen Wuster NoordseeküstGemeen Geestland
Laag von Lee (Landkreis Cuxhoben) in’n Landkreis Cuxhoben (Koort lett sik anklicken)
Ole Buurhüüs in de Lee

De Lee (hoochdüütsch Nordleda) is en Dörp un Gemeen in de Samtgemeen Land Hadeln in’n Landkreis Cuxhoben, Neddersassen mit 1047 Inwahners (Stand 31. Dezember 2016). To de Gemeen höört blangen de Lee ok de lüttjeren Öörd Heernskoop, Kampen un Fresenhöörn. De Lee sülvs warrt indeelt in Westerenn, Middeldeel, Oosterenn un Böverwettern.

Geografie[ännern | Bornkood ännern]

De Lee liggt in de Masch von de Elv so bi söss Kilometer af von’n Stroom. Dör den Oort dör löppt de Wilster. In’n Süüdwesten von de Lee liggt dat Naturschuulrebeed Aßbütteler Moor.

De Naveröörd sünd dat Oosterenn von de Worth in’n Noorden, Süderwisch in’n Noordoosten, Neenkarken in’n Oosten, Helmworth-Wetternweg in’n Süüdoosten, Oosterwannen un Westerwannen in’n Süden, Füürsteed in’n Süüdwesten, Köstersweg in’n Westen un dat Süderenn von de Worth in’n Noordwesten.

De Navergemenen sünd Neenkarken in’n Oosten, Helmworth in’n Süüdoosten, Wannen in’n Süden un Cuxhoben in’n Noordwesten.

Historie[ännern | Bornkood ännern]

In de Oorkunnen kummt de Lee toeerst 1312 vör. Dat hett jümmer to Land Hadeln tohöört un von 1852 bet 1885 to dat Amt Oterndörp. 1885 is dat Deel von’n Kreis Hadeln worrn un hett na 1932 to’n Landkreis Land Hadeln tohöört. 1977 is de Landkreis Land Hadeln denn Deel von’n Landkreis Cuxhoben worrn.

Bi de Wiehnachtsflood 1717 sünd veel Lüüd un veel Veh in de Lee verdrunken.

Inwahnertall[ännern | Bornkood ännern]

Johr Inwahners
1824-00-001824[1] 216 Füürsteden
1848-00-001848[2] 1.458 Lüüd. 263 Hüüs
1858-00-001858[3] 1.395
1910-12-011. Dezember 1910[4] 1.104
1925-00-001925[5] 1.020
1933-00-001933[5] 1.011
1939-00-001939[5] 937
1950-09-2323. September 1950 1.687
1961-06-066. Juni 1961 1.270
1968-12-3131. Dezember 1968 1.206
1973-12-3131. Dezember 1973 1.236
1978-12-3131. Dezember 1978 1.209
1983-12-3131. Dezember 1983 1.199
1987-12-3131. Dezember 1987 1.168
1992-12-3131. Dezember 1992 1.202
1997-12-3131. Dezember 1997 1.176
2002-12-3131. Dezember 2002 1.229
2007-12-3131. Dezember 2007 1.153
2011-12-3131. Dezember 2011 1.101

Religion[ännern | Bornkood ännern]

De Nicolai-Kark

De Lee is evangeelsch-luthersch präägt un billt mit de Nicolai-Kark en egen Kaspel.

För de Kathoolschen is de Hillig-Krüüz-Kark in Oterndörp tostännig.

De Lee hett en egen Karkhoff, de in de Neegd von de Kark liggt.

Wapen[ännern | Bornkood ännern]

Dat Wapen von de Lee wiest baven op roden Grund en sülvern Spoorn un dree sülvern Steerns. In’n Schildfoot wiest dat op grönen Grund en sülvern Wellenbalken.

De Wellenlien steiht för den Beek Lee un de Deel baven is ut dat Wapen von de Familie Lapp, de dat Patronaat över de Nicolai-Kark harrn. Dat Wapen hett de Gemeen 1938 beslaten.

Politik[ännern | Bornkood ännern]

Gemeenraad[ännern | Bornkood ännern]

Gemeenraad
Johr \ Partei Tall CDU SPD Gröne FDP
2006 11 6 4 1
2011 11 6 4 1
2016 11 7 3 1
Liddmaten
  • 2011:
    CDU: Eugen Böhm, Ingo Graf, Uwe Blohm, Florian Kramer, Hans-Hermann Ropers, Harry Vorthmann
    SPD: Uwe Haase, Heike Niemann, Marianne Täuber, Bärbel Weihe
    Gröne: Siegfried Anskeit
  • 2016:
    CDU: Uwe Blohm, Eugen Böhm, Ingo Graf, Florian Kramer, Hans-Hermann Ropers, Ingo Rötting, Harry Vorthmann
    SPD: Uwe Haase, Heike Niemann, Marianne Täuber
    Gröne: Ralf Hische

Börgermeesters[ännern | Bornkood ännern]

Zeit Börgermeester Partei
1976-1992 Eugen Böhm CDU
1. Februar 1994-3. August 2003 Hans-Peter Weber CDU
2003- Eugen Böhm CDU

Kultur[ännern | Bornkood ännern]

Verenen[ännern | Bornkood ännern]

De Schützenvereen Lee is an’n 9. Mai 1953 grünnt worrn.

Weertschop un Infrastruktur[ännern | Bornkood ännern]

Füürwehrhuus

De Oort hett en Freewillige Füürwehr, de an’n 26. März 1929 grünnt worrn is.

In’n Noorden von de Lee liggt en Windpark mit 43 Windrääd.

Verkehr[ännern | Bornkood ännern]

De Lee liggt an de Landsstraat 118, de in’n Noordoosten över Neenkarken bi Oterndörp an de Bundsstraat 73 ran löppt un in’n Süüdwesten över Wannen un Krümpel na Niewohl. Von de L 118 af na Noordwesten geiht de Kreisstraat 10, de na de Worth geiht. Annere Straten gifft dat ans nich.

De nächste Opfohrt op en Autobahn is de Opfohrt 3 Noordholt von de A 27 (Afsnidd CuxhobenBremerhoben), de so bi 14 Kilometer weg is.

De nächste Bahnhoff is de Bahnhoff Oterndörp an de Nedderelvbahn, de so bi acht Kilometer weg is.

Ünnernehmens[ännern | Bornkood ännern]

In de Bremerhobener Straat hett de Volksbank Stood-Cuxhoben en Filiaal.

Lüüd[ännern | Bornkood ännern]

De Schriever Heinrich Rüther is 1866 in de Lee boren. 1924 is de Theoloog Werner Schröder hier boren un 1948 de Politiker Uwe Biester. De Schriever Samuel Christian Pape is 1817 in de Lee doodbleven. Sien Dochter, de Schrieversche Maria von Hadeln, is 1814 in de Lee boren.

De Schrieversche Elisabeth Rühmkorf weer von 1921 bet 1925 an de Volksschool in de Lee Schoolmeester.

Literatur[ännern | Bornkood ännern]

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 448: http://books.google.de/books?id=tG0AAAAAcAAJ&pg=PA448
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 156: http://books.google.de/books?id=eOI-AAAAcAAJ&pg=PA156
  3. Franz Heinrich Ungewitter: Neueste Erdbeschreibung und Staatenkunde. 1858, Sied 422: http://books.google.de/books?id=ZkoNAQAAIAAJ&pg=PA422
  4. http://www.gemeindeverzeichnis.de/gem1900/gem1900.htm?hannover/hadeln.htm
  5. a b c http://www.verwaltungsgeschichte.de/hadeln.html

Weblenken[ännern | Bornkood ännern]

Commons-logo.svg Lee. Mehr Biller, Videos oder Audiodateien to’t Thema gifft dat bi Wikimedia Commons.