Uwe Biester

Uwe Biester 2009

Uwe Biester (* 3. September 1948 in De Lee) is en düütsch Kommunalpolitiker un Liddmaat vun den Landdag in Neddersassen.

Leven un Berop

Nah dat Abitur in Otterndörp hett Biester sien Wehrdeenst in Stood un Hamborg afleist. Dornah hett he Jura an de Universitäten in Tübingen, Genf und Mönster studeert. Nah de Promotion un dat tweet Staatsexamen is he siet 1977 as Afkaat un siet 1990 ok as Notar tätig. Doröver herut is Biester in mehreren Upsichtsräät (u. a. Gas- un Elektrizitätswarken Willemshaven) vertreden.

He is verheiraadt un hett twee Kinner. He is Liddmaat vun dat Corps Rhenania Tübingen

Politik

Siet 1980 is Biester Liddmaat vun de CDU. Van 2000 bit 2002 weer he Kreisvörsitter vun de CDU Willemshaven. Van 1981 bit 2006 hörr he den Raat vun de Stadt Willemshaven an. Van 1984 bit 1998 weer he Biordneter un Vörsitter vun de CDU-Ratsfraktschoon. 1998 truck Biester över de CDU-Landeslist in den Neddersasschen Landdag in. Bi de Landdagswahlen 2003 hett he dat Direktmandat in' Wahlkreis Willemshaven halt, dat he bi de Wahlen 2008 verteidigen kunn.

Biester is siet 1998 rechtspolitisch Spreker vun de CDU Landdagsfraktschoon.

In' November 2011 hett Biester mitdeelt, dat he sück bi de nächst Landdagswahl 2013 nich mehr to Wahl stellen will.

Weblenken

Uwe Biester. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun de Kanzlei Dr. Biester und Kollegen