Richtköst

Richtkroon to en Richtfest in Sønderborg, Däänmark

Richtköst is een Fest, dat to’n Huusbo höört un ward denn fiert, wenn de Rohbo fardig is. In de Regel is dat to de Tied, wenn de Timmerlüüd den Dackstool upricht hefft. De Vörarbeter von de Timmerlüüd seggt den Richtspruch op un denn ward de Richtkroon an’n Fössen nogelt.

Dat Fest wart von den Boherrn mit anstännig Beer utricht un gilt vörnweg för de Handwarkers, de bet dorhin mitarbeet hefft.

Hüttodags koomt to dat Fest ok Nobern un Frünn un fiert mit de Boherrschaft.