Friedrich Kraft Freiherr Schenck zu Schweinsberg

Vun Wikipedia
Zur Navigation springen Zur Suche springen

Friedrich Kraft Freiherr Schenck zu Schweinsberg (* Dezember 1900 in Berlin; †) weer en düütschen Jurist.

Freiherr Schenck zu Schweinsberg is 1900 in Berlin boren. He hett Juristeree studeert un in’n März 1926 sien tweet Staatsexamen maakt. Denn is he Regerungsassesser in Stood worrn. För en poor Maand weer he denn Regerungsraad in Potsdam.

In’n August 1932 is he Maat von de NSDAP worrn. In Stood weer he Blockleiter von de NSDAP-Oortsgrupp. In’n November 1933 is he ok Maat von de SA worrn. He weer von 1933 bet 1945 Landraad von’n Landkreis Bremervöör, bet Juli 1934 toeerst komissarsch. In’n November 1938 is he Stormföhrer worrn. Deelwies hett he dorbi in de Kriegsjohren 1940 bet 1943 ok den Landraad Ernst Klemeyer in’n Landkreis Land Hadeln vertreden.

In’n Dezember 1944 müss he denn as Soldaat in’n Tweten Weltkrieg denen. He keem in Kriegsfungenschop un is in’n März 1947 wedder freelaten worrn. Bi siene Entnazifizerung in’n Oktober 1948 is he in de Kategorie IV indeelt worrn. Von Juni 1947 bet Enn 1948 hett he in en Törfwark in Köhlen arbeidt. He weer denn bet Enn 1951 ahn Arbeid. In’n Januar 1952 is he denn bi dat Land Neddersassen in Deenst gahn. In Hannover weer he Regerungsraad in’t Oberversekerungsamt. Later weer he as Sozialgerichtsraad an dat Sozialgericht Hannover un is dor denn in’n Dezember 1966 in Rohstand gahn.