Peter Christian von Kleist-Retzow
Peter Christian Friedrich Wolf Graf von Kleist-Retzow (* 12. Juni 1910 in Belgard; † 28. Juni 1966 in Hamborg[1]) weer en düütschen Jurist.
Von Kleist-Retzow is 1910 in Belgard as Söhn von Maria Luise, borene von Wrochem (18. September 1884–1964), un den Landraad in’n Landkreis Belgard, Wolf Friedrich von Kleist-Retzow (6. Oktober 1868–8. Juli 1933), boren.[2] Sien öllern Broder weer Wolf Friedrich Graf von Kleist-Retzow.[2]
Von Kleist-Retzow weer op dat Internat in Putbus.[2] Later hett he an de Universität Göttingen Juristeree studeert un weer dor Maat von dat Corps Saxonia Göttingen. Na dat Studium weer he Avkaat un Syndikus.[1] Tosätzlich weer he Kommendater von’n Johanniterorden.[1]
Von Kleist-Retzow weer Besitter von Good Möthlow. Nadem sien Broder 1945 in’n Tweten Weltkrieg fullen is, is he ok Besitter von dat Familiengood in Groot Tychow worrn, aver nadem de Düütschen von de Rode Armee in’n November 1945 ut Groot Tychow verdreven worrn sünd, is dat Good an Polen fullen.[2]
Na’n Krieg keem von Kleist-Retzow na Oterndörp un weer dor von 1946 bet 1947 Böverkreisdirekter von’n Landkreis Land Hadeln. Later hett he in Othmarschen leevt un is 1966 doodbleven.