Doornsood
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 131 (31. Dezember 2009) | |
| Postleettall: | 21769 | |
| Vörwahl: | 04773 | |
| Geograafsche Laag: | Koordinaten:53° 34′ N, 9° 2′ O53° 34′ N, 9° 2′ O | |
 | ||
|
| ||
Doornsood (hoochdüütsch Dornsode) is en Dörp in de Gemeen Armsdörp, Samtgemeen Loomst in’n Landkreis Cuxhoben, Neddersassen.
Geografie
[ännern | Bornkood ännern]Doornsood liggt bi’t Lange Moor an’t linke Över von de Meh.
De Naveröörd sünd Langenmoor in’n Noordwesten, Hoorn in’n Noorden, Armsdörp in’n Noordoosten, Langeln in’n Oosten, Alfst in’n Süüdoosten, Eversdörp un Nee Eversdörp in’n Süden un Grotenhain in’n Westen.
Historie
[ännern | Bornkood ännern]
To de öllsten Funnen in dat Rebeed von Doornsood höört en Biel ut de Bronztied. In de Oorkunnen dükert de Oort as Durensa toeerst 1255 op.[1] Dat Seggen över den Oort harrn över lange Tied de von Marschalck von’n Geesthoff in Klint.[1]
In’n Tweten Weltkrieg sünd fiev Soldaten ut Doornsood fullen oder vermisst[2].
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Armsdörp in’n Kanton Loomst höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Loomst in’n Kanton Bremervöör.
Vör 1859 weer Doornsood in de Vaagdie Loomst von dat Amt Bremervöör un denn von 1859 bet 1885 in dat Amt Oosten. 1885 is dat an’n Kreis Neehuus gahn un 1932 an’n Kreis Land Hadeln. 1977 is dat denn Deel von’n Landkreis Cuxhoben worrn.
Doornsood is an’n 1. Juli 1972 bi de Gemeenreform in Neddersassen mit de Gemeen Armsdörp tohoopleggt worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[3] | 5 Füürsteden |
| 1848[4] | 38 Lüüd, 6 Hüüs |
| 1. Dezember 1871[5] | 59 Lüüd, 9 Hüüs |
| 1. Dezember 1885[6] | 58 Lüüd, 10 Hüüs |
| 1. Dezember 1905[7] | 50 Lüüd, 9 Hüüs |
| 1. Dezember 1910[8] | 50 |
| 1925[9] | 69 |
| 1933[9] | 85 |
| 1939[9] | 83 |
| 31. Dezember 2009[10] | 131 |
Religion
[ännern | Bornkood ännern]Doornsood is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
De eerste Karkhoff in Doornsood is 1832 anleggt worrn.[1] De ole Karkhoff is 1865 al wedder opgeven worrn un dorför is de hüdige Karkhoff anleggt worrn.[1]
Wapen
[ännern | Bornkood ännern]Dat Wapen von Doornsood wiest op grönen Grund en gollen Telg mit Doornen un dree sülvern Blomen.
Kultur
[ännern | Bornkood ännern]En Denkmaal för de Fullenen ut Doornsood ut’n tweten Weltkrieg steiht bi’n Karkhoff. Blangen de Fullenen ut Doornsood gedenkt de Steen ok de söss Fullenen ut de Oostrebeden, de ehr Famielen denn in Doornsood ünnerkamen sünd.
Verenen
[ännern | Bornkood ännern]De Oort hett en egen Schüttenvereen, de 1930 grünnt worrn is.[1]
Weertschop un Infrastruktur
[ännern | Bornkood ännern]Doornsood hett en egene freewillige Füürwehr, de 1923 grünnt worrn is.[1] Dat ole Sprüttenhuus is 1937 boot worrn.[1] As 1991 dat Dörpgemeenschopshuus anleggt worrn is, is in dit Gebüüd ok de Füürwehr mit ünnerkamen.[1]
Elektrischen Stroom keem in de Johren 1946/1947.[1] Fleten Water hett de Oort 1961 kregen, as he an dat Waternett von dat Waterwark in de Wingst anslaten worrn is.[1]
Verkehr
[ännern | Bornkood ännern]Doornsood liggt an de Dörpstraat, de in’n Noorden an de Kreisstraat 31 ranlöppt, de denn na Langeln un Armsdörp an de Bundsstraat 495 ran föhrt. De Dörpstraat geiht in’n Süüdoosten as Moorweg wieder un löppt na Grotenhain. Na Süden geiht de Alfster Straat af, de na Alfst löppt. De B 495 föhrt in’n Noorden na Loomst un Hemmoor/Basbeek/Warstood un in’n Süden na Bremervöör an de B 71/B 74.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 31 Kilometer in’n Westen von Doornsood an de L 120.
De nächste Bahnhoff is so bi 14 Kilometer wied weg in’n Süüdwesten de Bahnhoff Op de Hööv an de Bahnlien Bremerhoben–Buxthu. De Bahnhoff Hemmoor an de Nedderelvbahn von Cuxhoben na Hamborg liggt üm un bi 18 Kilometer in’n Noordoosten.
Von 1958 bet 2005 hett dat in Doornsood en Flegerplatz för Segelflegers geven.[1]
Scholen
[ännern | Bornkood ännern]De eersten Narichten von Schoolünnerricht in Doornsood sünd von 1840.[1] De Ünnerricht weer ümschichtig in de Buurnhüüs.[1] Dat eerste Schoolhuus is eerst 1921 boot worrn.[1] 1966 hett de Volksschool denn dichtmaakt.[1] Sietdem gaht de Kinner in Armsdörp na’n Kinnergoorn un na de Grundschool Armsdörp un later na de Oberschool Loomst oder dat Gymnasium Warstood.[1]
Footnoten
[ännern | Bornkood ännern]- ↑ a b c d e f g h i j k l m n o p Dorfentwicklung Alfstedt, Dornsode und Langenmoor.
- ↑ Onlineprojekt Gefallenendenkmäler
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 142
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 132
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ http://boerde-lamstedt.der-norden.de/rathaus/zahlen.html
