Nee Eversdörp

Vun Wikipedia
Wapen/Flagg Koort
Wapen unbekannt
Nee Eversdörp
Laag vun Nee Eversdörp in Düütschland
Basisdaten
Bundsland: Neddersassen
Landkreis: Rodenborg
Samtgemeen: Geestborn
Gemeen: Eversdörp
Inwahners:
Postleettall: 27432
Vörwahl: 04768
Geograafsche Laag:
Koordinaten:53° 32′ N, 8° 59′ O
53° 32′ N, 8° 59′ O

Karte

Nee Eversdörp (hoochdüütsch Neu Ebersdorf) is en Dörp in de Gemeen Eversdörp (Samtgemeen Geestborn) in’n Landkreis Rodenborg, Neddersassen.

Geografie[ännern | Bornkood ännern]

De Meh hett ehren Born bi Nee Eversdörp. In’n Süden liggt de Hinzel.

De Naveröörd sünd Doornsood un Alfs in’n Noordoosten, Eversdörp in’n Oosten, Örel in’n Süüdoosten, Hipst in’n Süden, Op de Hööv mit Drüddgeest in’n Westen un Olenstöhlen, Olenkamp, Lüttenhain un Grotenhain in’n Noordwesten.

Historie[ännern | Bornkood ännern]

Nee Eversdörp is eerst na’n Eersten Weltkrieg grünnt worrn, op en Stück Moor- un Heidland, dat nee kultiveert worrn is.

Verwaltungsgeschicht[ännern | Bornkood ännern]

De Gemeen Nee Eversdörp is 1924 grünnt worrn un leeg in’n Kreis Bremervöör. 1932 is dat Deel von’n ne’en, grötteren Kreis Bremervöör worrn un 1977 von’n Landkreis Rodenborg.

De Oort is 1966 Liddmaat von de Samtgemeen Eversdörp worrn. Mit de Gemeenreform in Neddersassen to’n 1. März 1974 is de Samtgemeen oplööst un Nee Eversdörp Deel von de Gemeen Eversdörp worrn.

Religion[ännern | Bornkood ännern]

Nee Eversdörp is evangeelsch-luthersch präägt un höört to dat Kaspel von de Bethlehem-Kark in Hipst. Vör 1961 hett de Oort to dat Kaspel von de Kark in Örel höört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur[ännern | Bornkood ännern]

Verenen[ännern | Bornkood ännern]

Nee Eversdörp hett en egene freewillige Füürwehr.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Nee Eversdörp löppt de Kreisstraat 124, de in’n Süüdwesten an de K 116 geiht un in’n Noordoosten an de Landsstraat 119 ran.

De nächste Autobahn is de Autobahn 27. De Opfohrt 8 Geestmünn liggt so 30 Kilometer in’n Westen von Nee Eversdörp.

De nächste Bahnhoff is so bi fiev Kilometer wied weg in’n Süden de Bahnhoff Op de Hööv an de Bahnlien Bremerhoben–Buxthu.

Scholen[ännern | Bornkood ännern]

De Schölers ut’n Oort gaht na de Grundschool Eversdörp/Alfs in Eversdörp. Later wesselt se na Oberschool op de Geestborn-School in Örel oder na dat Gymnasium Bremervöör.