Drüddgeest
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27432 | |
| Vörwahl: | 04768 | |
| Geograafsche Laag: | Koordinaten:53° 32′ N, 8° 55′ O53° 32′ N, 8° 55′ O | |
|
| ||
Drüddgeest (hoochdüütsch Drittgeest) is en Oort in de Gemeen Hipst (Samtgemeen Geestborn) in’n Landkreis Rodenborg, Neddersassen.
Geografie[ännern | Bornkood ännern]
Drüddgeest liggt an’n Alfgraven, de in’n Süüdwesten von’n Oort in de Geest münnt.
De Naveröörd sünd Langel un Krönkenhütt in’n Noorden, Olenstöhlen, Olenkamp un Lüttenhain in’n Noordoosten, Nee Eversdörp in’n Oosten, Op de Hööv mit Drachel un Bokelah in’n Süüdoosten, Frellsdorpermöhlen, Frellsdorp un Geestenseth in’n Süüdwesten un Köhlen un Stühbusch in’n Westen.
Historie[ännern | Bornkood ännern]
Drüddgeest hett fröher polietsch bi Hainmöhlen bihöört. De Oort leeg an en Fort, de dör den Alfgraven güng. Dat weer in ole Tieden de eenzige gode Togang von Süüdoosten her in dat Amt Beers, dat dör Mooren un Strööm nich licht togänglich weer. Dat gifft in’n Oort de Resten von en ole Borganlaag mit Watergraven, de disse Steed sekert hett.
In de Franzosentied von 1810 bet 1814 hett de Oort to de Mairie Bremervöör in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Vaagdie Lintig von dat Amt Beers tohöört un denn von 1859 bet 1885 to dat Amt Leh. Na 1885 weer dat in’n Kreis Leh. 1932 is dat Deel von’n Landkreis Wersermünn worrn.
As Deel von Hainmöhlen weer Drüddgeest von 1971 bet 1974 Deel von de Samtgemeen Beers. Mit de Gemeenreform in Neddersassen to’n 1. März 1974 is Drüddgeest aver von Hainmöhlen in de Gemeen Hipst wesselt un hett denn to de Samtgemeen Geestborn in’n Landkreis Bremervöör höört. De Landkreis Bremervöör is 1977 Deel von’n Landkreis Rodenborg worrn.
Inwahnertall[ännern | Bornkood ännern]
| Johr | Inwahners |
|---|---|
| 1793[1] | 2 Füürsteden |
| 1824[2] | 1 Füürsteed |
| 1. Dezember 1871[3] | 11 Lüüd, 1 Huus |
Religion[ännern | Bornkood ännern]
Drüddgeest is evangeelsch-luthersch un evangeelsch-reformeert präägt un höört to dat Kaspel von de Simultankark St. Fabian in Ringst.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Dör Drüddgeest löppt de Kreisstraat 116, de in’n Süüdoosten över de Hööv na Örel an de Bundsstraat 71 ran geiht. In’n Noordwesten geiht de K 116 in’n Landkreis Cuxhoben in de K 36 över un löppt in Köhlen an de Landsstraat 128 ran.
De nächste Autobahn is de Autobahn 27. De Opfohrt 8 Geestmünn liggt so 24 Kilometer in’n Westen von Drüddgeest.
De nächste Bahnhoff is so bi söss Kilometer wied weg in’n Süüdoosten de Bahnhoff Op de Hööv an de Bahnlien Bremerhoben–Buxthu.
Footnoten[ännern | Bornkood ännern]
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 59: https://books.google.de/books?id=jN5QAAAAcAAJ&pg=RA1-PA59
- ↑ C. H. Jansen: Statistisches Handbuch des Königreichs Hannover. 1824, Sied 146: http://books.google.de/books?id=tG0AAAAAcAAJ&pg=RA1-PA146
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151: https://books.google.de/books?id=qTZDAQAAMAAJ&pg=RA2-PA151