Drachel

Vun Wikipedia
Wapen/Flagg Koort
hett keen Wapen
Drachel
Laag vun Drachel in Düütschland
Basisdaten
Bundsland: Neddersassen
Landkreis: Rodenborg
Samtgemeen: Geestborn
Gemeen: Hipst
Inwahners:
Postleettall: 27432
Vörwahl: 04768
Geograafsche Laag:
Koordinaten:53° 31′ N, 8° 55′ O
53° 31′ N, 8° 55′ O

Karte

Drachel (hoochdüütsch Drachel) is en Oort in de Gemeen Hipst (Samtgemeen Geestborn) in’n Landkreis Rodenborg, Neddersassen. De Hoff weer von öllers een von de Eenstelligen Hööv von de Gemeen Op de Hööv.

Geografie[ännern | Bornkood ännern]

De Oort liggt op de Geest dicht an’n Alfgraven, de bi Drachel in de Geest münnt. Dat Rebeed an’n Alfgraven un de Geest is deelwies Moor. Aver ok Holt gifft dat in de Ümgegend.

De Naveröörd sünd Drüddgeest un Hain in’n Noorden, Nee Eversdörp in’n Noordoosten, dat ne’e Dörp Op de Hööv in’n Oosten, Hinzel, Heinschenwall, Bokelah un Hipst in’n Süüdoosten, Thebü in’n Süden, Frellsdorp un Frellsdorpermöhlen in’n Süüdwesten un Köhlen un Stühbusch in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

Vör 1885 leeg de Hoff in de Vaagdie Bremervöör von dat Amt Bremervöör un is denn Deel von’n Kreis Bremervöör ween, de 1932 mit’n Kreis Zeven to’n ne’en un grötteren Kreis Bremervöör tohoopgahn is. 1977 is dat denn Deel von’n Landkreis Rodenborg worrn.

An’n 1. März 1974 is de Gemeen Op de Hööv bi de Gemeenreform in Neddersassen mit Hipst to de ne’e Gemeen Hipst tohoopleggt worrn.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1824-00-001824[2] 2 Füürsteden
1848-00-001848[3] 20 Lüüd, 3 Hüüs
1871-12-011. Dezember 1871[4] 23 Lüüd, 3 Hüüs

Religion[ännern | Bornkood ännern]

Drachel is evangeelsch-luthersch präägt un höört siet 1961 to dat Kaspel von de Bethlehem-Kark in Hipst. Bevör disse Kark nee boot worrn is, hett de Oort to dat Kaspel Örel tohöört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

De egene Karkhoff för Bokelah un Drachel is an’n 27. Februar 1866 inwieht worrn. Vörher sünd de Lüüd an de Kark in Örel begraven worrn.[5]

Kultur[ännern | Bornkood ännern]

De Schüttenvereen Drachel un Ümgegend is 1920 grünnt worrn un is för de ganze fröhere Gemeen Op de Hööv.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Drachel liggt an en lüttje Blangenstraat von de Kreisstraat 116, de in’n Noordwesten na’n Landkreis Cuxhoben geiht un dor to de Kreisstraat 39 warrt. Se löppt na Köhlen an de Landsstraat 128 ran. In’n Süüdoosten geiht de K 116 bi Örel an de Bundsstraten B 71/B 74 ran. In’n Noordoosten geiht von de K 116 de K 124 af, de över Nee Eversdörp an de L 119 bi Eversdörp föhrt. De L 128 löppt in’n Noorden na Beers un in’n Süden na Beverst. De B 71/B 74 löppt in’n Oosten na Bremervöör un in’n Süden na Oosterholt-Scharmbeek un Bremen-Noord.

De nächste Autobahn is de Autobahn 27 (Afsnidd BremenBremerhoben). De Opfohrt 8 Geestmünn liggt so 25 Kilometer in’n Westen von Drachel an de Bremerhobener Poristraat.

De nächste Bahnhoff is so bi söss Kilometer wied weg in’n Süüdoosten de Bahnhoff Op de Hööv an de Bahnlien Bremerhoben–Buxthu.

Literatur[ännern | Bornkood ännern]

  • Heinrich Krankenberg: Hipstedt: Geschichte eines Dorfes zwischen Geest und Moor. 2008

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 58
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 144
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 132
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144
  5. Heinrich Krankenberg: Hipstedt: Geschichte eines Dorfes zwischen Geest und Moor. 2008, Sied 218