Suurlee

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Wannen
Inwahners:
Hööchd:	7 m över NN
Postleettall:	21776
Vörwahl:	04757
Geograafsche Laag:	53° 43′ N, 8° 49′ O

Suurlee (hoochdüütsch Süderleda) is en Dörp in de Gemeen Wannen in’n Landkreis Cuxhoben, Neddersassen.

Geografie

Suurlee liggt in dat Sietland von Land Hadeln. In’n Süden is dat Ahlenmoor/Ahlenfalkenbarger Moor un so üm un bi een Kilometer in’n Noorden flütt de Emmelk langs.

De Naveröörd sünd Oosterwannen in’n Noorden, dat Westerenn von Helmworth in’n Noordoosten, Mehmstood in’n Oosten, Steenau in’n Süüdoosten, Ahlenfalkenbarg in’n Süüdwesten, Krümpel in’n Westen un Westerwannen in’n Noordwesten.

Historie

För de Tied üm 1230 lett sik en Kapell in Suurlee nawiesen. De Steed von Kapell un Karkhoff leeg an de Steed von’n Haubusch. Disse Kapell is 1369 denn na Westerwannen ümleggt worrn. 1239 hett Hertog Albert von Sassen de Kaspellüüd von Suurlee de Rechten an de Emmelk verköfft.

Inwahnertall

Johr	Inwahners
1848-00-001848	204 Lüüd, 37 Hüüs

Religion

Suurlee is evangeelsch-luthersch präägt un höört to de Georg-Kark in Wannen.

För de Kathoolschen is de Hillig-Krüüz-Kark in Oterndörp tostännig.

Kultur

Verenen

De Schützenvereen Suurlee is 1927 grünnt worrn un hett 2016 beslaten sik ut Mangel an junge Maten optolösen. As Füürwehr is de Freewillige Füürwehr Wannen för Suurlee mit tostännig.

Weertschop un Infrastruktur

Verkehr

Suurlee liggt an en Blangenstraat von de Kreisstraat 5, de in’n Noorden an dat Dörp langslöppt un in’n Oosten na Helmworth löppt un in’n Westen na Westerwannen.

De nächste Bahnhoff is de Bahnhoff Oterndörp an de Nedderelvbahn, de so bi 13 Kilometer weg is.