Wolljes

Vun Wikipedia
Zur Navigation springen Zur Suche springen
Wapen/Flagg Koort

Wapen vun Wolljes

Wolljes
Laag vun Wolljes in Düütschland
Basisdaten
Bundsland: Neddersassen
Landkreis: Cuxhoben
Gemeen: Beverst
Flach: 14,35 km²
Inwahners:
Postleettall: 27616
Vörwahl: 04749
Geograafsche Laag:
Koordinaten:53° 29′ N, 8° 51′ O
53° 29′ N, 8° 51′ O
Wellen (Landkreis Cuxhoben)KarkwistBeverst (Oortschop)AppelnFrellsdorpHollen (Gemeen Beverst)Stubben (Landkreis Cuxhoben)HeerstLuunstBokel (Landkreis Cuxhoben)Wolljes
Laag von Wolljes in de Gemeen Beverst (Koort lett sik anklicken)

Wolljes (hoochdüütsch Wollingst) is en Dörp in de Gemeen Beverst in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.

Geografie[ännern | Bornkood ännern]

Dat Water ut Wolljes flütt to’n gröttsten Deel över Krüüzmoorgraven un Wolljeser Grenzgraven na de Groov hen af. In’n Süüdoosten flütt dat Water deelwies aver ok över den Dohrener Beek un den Frellsdorper Möhlenbeek af.

De Naveröörd sünd Geestenseth in’n Noorden, Frellsdorp in’n Noordoosten, Appeln in’n Süüdoosten, Oosterndörp, Wehldörp, Wachholt un Heyerhöben in’n Süüdwesten, Heerst in’n Westen un Wehdel in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Beverst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Wolljes hett bet 1851 to dat Gericht Beverst, von 1851 bet 1859 to dat Amt Beverst un denn bet 1885 to dat Amt Leh tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn un 1977 von’n Landkreis Cuxhoben worrn.

An’n 1. Juli 1974 is de Gemeen Wolljes mit de Gemeenreform in Neddersassen Deel von de Gemeen Beverst worrn. An’n 1. November 2011 is de ole Gemeen Beverst un de Samtgemeen Beverst denn as Eenheitsgemeen Beverst tohoopgahn. Sietdem billt de Oort en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[1] 41 Füürsteden
1812-00-001812[2] 180
1824-00-001824[3] 41 Füürsteden
1848-00-001848[4] 195 Lüüd. 39 Hüüs
1871-12-011. Dezember 1871[5] 204 Lüüd. 36 Hüüs
1910-12-011. Dezember 1910[6] 229
1925-00-001925[7] 298
1933-00-001933[7] 293
1939-00-001939[7] 330

Religion[ännern | Bornkood ännern]

Wolljes is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.

För de Kathoolschen is de Hillig-Hart-Jesu-Kark in Geestmünn tostännig.

Wapen[ännern | Bornkood ännern]

Dat Wapen von Wolljes wiest op blauen Grund en gollen Ekentelg mit dree Bläder un twee Eckern. Achter den Telg is en sülvern Wellenlien to sehn. De Lien steiht för den Oortsbeek. De Ekentelg steiht för den Naam von dat Dörp, de von Woold afkummt.

Oortsvörsteihers[ännern | Bornkood ännern]

  • opstunns: Bernd Beckmann (CDU)

Kultur[ännern | Bornkood ännern]

Swümmstääd an’t Naturfrünnhuus
Naturfrünnhuus 1932

Dat Naturfrünnhuus in Wolljes is 1926 von Heinrich Julius Frey boot worrn. In’t Vörjohr 2017 müss dat Huus afreten warrn, nadem de Naturfrünn-Oortsvereen Bremerhoben dat nich mehr hollen kunn.

Weertschop un Infrastruktur[ännern | Bornkood ännern]

Dat Dörp hett en egene freewillige Füürwehr.

Dat nächste Grundzentrum is Beverst.

Verkehr[ännern | Bornkood ännern]

Wolljes liggt an de Landsstraat 128, de in’n Noorden na Geestenseth löppt un in’n Süden na Oosterndörp un bi Beverst an de Bundsstraat 71 ran. Lüttjere Straten loopt ans noch na Loh, na Wehdel, na Appeln un na Frellsdorp.

Scholen[ännern | Bornkood ännern]

De Kinner ut Wolljes gaht na de Grundschool Geestenseth.

Literatur[ännern | Bornkood ännern]

  • Christoph von Glahn: 800 Jahre Wollingst, Geschichte und Berichte - Sagen und Sagenhaftes. 1997

Weblenken[ännern | Bornkood ännern]

Commons-logo.svg Wolljes. Mehr Biller, Videos oder Audiodateien to’t Thema gifft dat bi Wikimedia Commons.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 256
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 680
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 152
  6. Inwahnertallen op gemeindeverzeichnis.de
  7. a b c Inwahnertallen op verwaltungsgeschichte.de