Dohrener Beek

Dohrener Beek
Laag	Neddersassen
Stroomsystem	Werser
Afströömrebeed	4,3 km²
Born	bi Appeln
Münn	bi Düring in de Luun
rechte Blangenströöm	Loher Beek, Stinster Beek
rechts in’t Bild de Dohrener Beek in’t NSG In’n Huusbeeken

De Dohrener Beek is en Beek, de in de Luun münnt.

De Born von’n Dohrener Beek liggt in’n Süüdwesten von Appeln. Von dor flütt de Beek eerst en Stück na Noordwesten, denn na Westen. Von rechts is de Dohrener Beek över den Wolljeser Seegraven mit’n Wolljeser See verbunnen. Linkerhand sünd de lüttjeren Öörd Wehldörp, Meyerhoff un Heyerhöben bi Beverst. Bi Heyerhöben geiht de Bundsstraat 71 över den Dohrener Beek. Op dat linke Över liggt denn Luunst un op dat rechte Loh, Heerst un Stinst. Bi Heerst münnt de Loher Beek in’n Dohrener Beek. En lütt Stück wieder liggt denn dat Naturschuulrebeed In’n Huusbeeken. In’n Süden von Stinst nimmt de Beek dat Water von’n Stinster Beek op un is över dissen Beek mit’n Bülter See in dat Naturschuulrebeed Bülter See un Randmooren verbunnen. An de Münn von’n Stinster Beek knickt de Dohrener Beek för de letzten twee Kilometer na Süüdwesten af. Dor liggt op dat rechte Över Düring un de Bahnlien Bremen-Bremerhoben geiht över den Beek weg. In’n Süüdoosten von Düring münnt de Beek in de Luun.

Dat Water in de Luun flütt denn wieder in de Werser un in de Noordsee.

De Dohrener Beek billt op en groot Enn von sien Loop de Grenz twüschen de Gemenen Luunst un Heerst. In Tokumst schall ok de Autobahn 20 in dat Rebeed von’n Dohrener Beek langslopen un geiht dor je na Trasse mit opminnst een Brügg röver.