Horst (Landkreis Cuxhoben)

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Beverst
Inwahners:
Postleettall:	27616
Vörwahl:	04747
Geograafsche Laag:	53° 26′ N, 8° 55′ O

Horst is en lütt Oord in de Gemeen Beverst, in’n Landkreis Cuxhoben, Neddersassen.

Geografie

So bi 500 Meter in’n Noordwesten von Horst flütt de Luun langs.

De Naveröörd sünd Volkmarst in’n Oosten, Brillit un Kuhs in’n Süüdoosten, Ooldwist in’n Süden, Karkwist, Stemmermöhlen un Taben in’n Westen un Appeln in’n Noordwesten.

Historie

De Oort hett vör 1851 to dat Gericht Beverst tohöört un denn von 1851 bet 1859 to dat Amt Beverst. 1859 is de Oort mit dat ganze Kaspel Karkwist an dat Amt Bremervöör wesselt. 1885 is Horst Deel von’n Kreis Bremervöör worrn.

De vörher egenstännige Gemeen is 1929 tohoop mit Stemmermöhlen Deel von de Gemeen Karkwist worrn. An’n 1. März 1974 is disse Gemeen von’n Landkreis Bremervöör in’n Landkreis Wersermünn wesselt un an’n 1. November 2011 is de Gemeen Karkwist denn Deel von de ne’e Gemeen Beverst worrn. Bi de Kreisreform 1977 is de Landkreis Wersermünn in’n Landkreis Cuxhoben opgahn.

Inwahnertall

Johr	Inwahners
1824-00-001824	4 Füürsteden
1848-00-001848	27 Lüüd, 4 Hüüs
1910-12-011. Dezember 1910	26

Religion

Horst is evangeelsch-luthersch präägt un höört to dat Kaspel von de Johannes-de-Döper-Kark in Karkwist.

Infrastruktur

Verkehr

Horst liggt as Siedenstraat an de Bundsstraat 71, de in’n Noordoosten över Volkmarst, Basdaal, Barchel un Örel na Bremervöör löppt un in’n Westen na Karkwist un Beverst. 500 Meter weg in’n Westen von Horst geiht von de B 71 na Süden de Landsstraat 122 af, de na Ooldwist un Kuhs geiht.

De nächste Bahnhoff is in Stubben an de Bahnlien Bremen–Bremerhoben, de so bi teihn Kilometer weg is.