Amtsgericht Hagen

Gerichtsgebüüd, vondaag Touristinformatschoon

Dat Amtsgericht Hagen weer en Amtsgericht in dat Königriek Hannover, in de prüüßsche Provinz Hannover un in Neddersassen. Dat harr sien Seet op de Borg Hagen in Hagen.

Överornt Gerichten

Dat Amtsgericht Hagen weer dat Obergericht Leh, von 1859 af an dat Obergericht Veern un von 1879 af an dat Landgericht Veern överornt.

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Hagen is dor denn blangen dat Amt Hagen nee schapen worrn. De Grenzen von Amt un Amtsgerichtsbezirk weren desülven.

Nadem 1867 dat Königriek Hannover von Prüßen annekteert worrn is, weer dat en königlich-prüüßsch Amtsgericht.

Dat Amtsgericht Hagen is to’n 1. April 1974 oplööst worrn.^[1] 1977 hett de Samtgemeen Hagen dat Gebüüd köfft un dor dat Raadhuus un en Touristinformatschoon inricht. Siet 1. Januar 2014 is dat dat Raadhuus von de Eenheitsgemeen Hagen.