Amtsgericht Otterbarg

Vun Wikipedia
Zur Navigation springen Zur Suche springen

Dat Amtsgericht Otterbarg weer en Amtsgericht in dat Königriek Hannover. Dat harr sien Seet in Otterbarg.

Överornt Gerichten[ännern | Bornkood ännern]

Dat Amtsgericht Otterbarg weer dat Obergericht Veern överornt.

Geschicht[ännern | Bornkood ännern]

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Otterbarg is dor denn blangen dat Amt Otterbarg nee schapen worrn. De Grenzen von Amt un Amtsgerichtsbezirk weren desülven.

Dat Amtsgericht Otterbarg is 1859 jüstso as dat Amt Otterbarg oplööst worrn. De Gemeen Hu’e un dat Kaspel Otterst sünd Deel von’n Bezirk von dat Amtsgericht Achem worrn, dat Kaspel Söttmer Deel von’n Bezirk von dat Amtsgericht Rodenborg un de Kaspels Karktimk un Wilst un de Gemeen Narbn Deel von’n Bezirk von dat Amtsgericht Zeven (in’n Bezirk von dat Obergericht Stood).