Amtsgericht Veern

Dat Amtsgericht Veern is een von de teihn Amtsgerichten in’n Landgerichtsbezirk Veern. Dat hett sien Seet in de Johanniswall 8 in Veern in’n Landkreis Veern.

Överornt Gerichten

Dat Amtsgericht Veern sünd in’n Instanzentog dat Landgericht Veern, dat Oberlandsgericht Celle un de Bundsgerichtshoff in Karlsruhe överornt.

Den Gerichtsbezirk billt de Gemenen Veern, Kerklinneln, Dörbern un Langwedel von’n Landkreis Veern.

Siet 2005 is dat Amtsgericht Wasra för dat Hannels-, Genossenschafts- un Vereensregister in’n kumpletten Landgerichtsbezirk Veern tostännig. Dat Partnerschopsregister warrt siet 1. August 2005 zentraal bi dat Amtsgericht Hannover föhrt.

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Veern is dor denn blangen dat Amt Veern nee schapen worrn. De Grenzen von Amt un Amtsgerichtsbezirk weren desülven. Dat Gericht stünn toeerst ünner dat Obergericht Veern, von 1879 af an ünner dat Landgericht Veern.