Amtsgericht Leendaal

Dat Amtsgericht Leendaal weer en Amtsgericht in dat Königriek Hannover, de prüüßsche Provinz Hannover un in Neddersassen. Dat harr sien Seet in Leendaal.

Överornt Gerichten

Dat Amtsgericht Leendaal weer dat Obergericht Veern överornt.

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Leendaal is dor denn blangen dat Amt Leendaal nee schapen worrn. De Grenzen von Amt un Amtsgerichtsbezirk weren desülven.

As Gerichtsgebüüd is de Teegdkoornschüün von dat Klooster Leendaal ümboot worrn. Ok en Fägnis is dor mit inricht worrn. Dat Gericht is 1972 oplööst worrn.

Dat fröhere Gerichtsgebüüd in de Klosterstraat 21 warrt siet 1980 för de Jugendarbeid bruukt.