Bodo Voigts

Bodo Voigts (* 9. August 1844 in Lüchow; † 29. Januar 1920 in Berlin) weer en düütschen Jurist.

Voigts is 1844 in Lüchow boren. He hett Juristeree an de Universität Göttingen studeert un weer dor Maat von dat Corps Bremensia. He güng denn in’n Justizdeenst un is 1867 Auditer in’n Bezirk Celle worrn, 1871 Gerichtsassesser bi dat Bövergericht Celle un 1873 Amtsrichter bi dat Amtsgericht Hagen. Noch in dat sülve Johr is he Amtsrichter bi dat Amtsgericht Freeborg worrn un dor bet 1881 bleven. He weer von 1881 bet 1885 Amtshauptmann von dat Amt Freeborg un gliektiedig Kreishauptmann in’n Stoder Maschkreis. Nadem dat Amt un de Stoder Maschkreis to’n 1. April 1885 oplööst worrn sünd, weer he bet 1889 de eerste Landraad von’n ne’en Kreis Keden. As Landraad aflööst hett em Alexander Rahm. 1889 is Voigts Verwaltungsgerichtsdirekter in Minnen worrn un 1891 Oberverwaltungsgerichtsraad in Berlin. 1894 kreeg he dat Amt as Präsident von dat Landskonsistorium Hannover un weer von 1900 af an ok Direkter von dat Konsistorium Hannover. 1903 is Voigts Präsident von’n Evangeelschen Oberkarkenraad in Berlin worrn. He harr dit Amt bet 1919. 1904 hett he den Rang von en Würklichen Gehemen Raad kregen. Von 1916 bet 1918 weer Voigts Maat von dat Prüßsche Herrenhuus.

Literatur

• Voigts. In: Meyers Großes Konversations-Lexikon. 6. Oplaag. Band 20, Bibliographisches Institut, Leipzig/Wien 1909, S. 220.
• Die Protokolle des Rates der Evangelischen Kirche in Deutschland, Band 6: 1952. Bearbeitet von Dagmar Pöpping und Anke Silomon, unter Mitarbeit von Karl-Heinz Fix, Göttingen: Vandenhoeck & Ruprecht, 2008, S. 500.
• Wolfram Weisse: Praktisches Christentum und Reich Gottes. Die ökumenische Bewegung Life and Work 1919–1937. Göttingen: Vandenhoeck & Ruprecht, 1991, S. 639.