Obergericht Leh

Dat Obergericht weer in dat Gebüüd ünnerbröcht, in dat vondaag dat Amtsgericht Bremerhoben sitt

Dat Obergericht Leh weer en Obergericht in dat Königriek Hannover. Dat harr sien Seet in Leh.

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Över de Amtsgerichten weren Obergerichten sett.

To dat Obergericht Leh hebbt de söss Amtsgerichten Beers, Beverst, Dorum, Hagen, Leh un Oterndörp tohöört.

Dat Obergericht Leh is 1859 al wedder oplööst worrn. Von 1859 af an weer dat Obergericht Veern för den Gerichtsbezirk von dat Obergericht Leh mit tostännig. Blots dat Amtsgericht Oterndörp is in’n Bezirk von dat Obergericht Stood wesselt.

Präsidenten

• 1852–1858: Rudolf Wilhelm Julius Reinecke
• 1858–1859: Johann Heinrich Georg Bernhard Danckert

Obergerichten in dat Königriek Hannover

Grote Obergerichten Auerk | Celle | Göttingen | Hannover | Hilmssen | Lümborg | Meppen | Neenborg | Ossenbrügge | Ostroe | Stood | Veern Lüttje Obergerichten Dannenbarg | Gosler | Hameln | Leh