Seedörp (Landkreis Cuxhoben)

Vun Wikipedia
Wapen/Flagg Koort
hett keen Wapen
Seedörp
Laag vun Seedörp in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Inwahners:
Postleettall: 27628
Vörwahl: 04209
Geograafsche Laag:
Koordinaten:53° 18′ N, 8° 38′ O
53° 18′ N, 8° 38′ O

Karte

Seedörp (hoochdüütsch Seedorf) is en lütten Oort in de Gemeen Hagen in’n Landkreis Cuxhoben, Neddersassen. De Oort höört polietsch al von öllers bi Leernst mit bi.

Geografie[ännern | Bornkood ännern]

De Oort liggt op de Oosterholter Geest in’n Forst Düngel, nich wied af von de Grenz na de Masch von Oosterstood. Dat Water ut dat Rebeed flütt af na dat Kuhfleet un den Aschwarder Floodgraven.

De Naveröörd sünd Neenhusen un Born in’n Noorden, Leernst un Hein in’n Noordoosten, Brockmannsmöhlen in’n Oosten, Vosloog un Buggehorn in’n Süüdoosten, de Meyenbörger Wahnplätz Grote-Kamp un Brakland in’n Süden, de Meyenbörger Wahnplätz Brandbarg un Swanenbarg in’n Süüdwesten un Uthleer in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Meyenborg in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Gemeen Leernst is an’n 1. März 1974 mit de Gemeenreform in Neddersassen Deel von de Gemeen Wolsbuddel worrn. An’n 1. Januar 2014 is de Gemeen Wolsbüddel denn an de ne’e Gemeen Hagen kamen. Binnen de Gemeen billt nu Leernst en Oortschop, to de ok Seedörp mit tohöört.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 11
1824-00-001824[3] 1 Füürsteed
1848-00-001848[4] 14 Lüüd, 3 Hüüs
1871-12-011. Dezember 1871[5] 14 Lüüd, 2 Hüüs
1885-12-011. Dezember 1885[6] 9 Lüüd, 2 Hüüs
1905-12-011. Dezember 1905[7] 14 Lüüd, 1 Huus

Religion[ännern | Bornkood ännern]

Seedörp is evangeelsch-luthersch präägt un höört to dat Kaspel von de Lucia-Kark in Wolsbuddel. In düt Kaspel is de Oort tohoop mit Leernst an’n 21. Mai 1868 wesselt. Vörher hett de Oort to dat Kaspel von de Jacobi-Kark in Braamst höört.

För de Kathoolschen is de Hillig-Hart-Jesu-Kark in Geestmünn tostännig.

De Lüüd warrt op’n Karkhoff in Leernst begraven. De is 1959 anleggt worrn. Vörher sünd de Lüüd bi de Kark in Wolsbuddel begraven worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Seedörp föhrt lüttjere Straten na Leernst an de Kreisstraat 48 un an de Landsstraat 134 bi Meyenborg-Brandbarg. De K 48 löppt in’n Westen in Uthleer an de L 134 un in’n Oosten na Wolsbuddel un an de L 135. De L 134 geiht in’n Süden över Meyenborg un Swonewebel na Bremen-Noord.

De nächste Autobahn is de Autobahn 27 (Afsnidd BremenBremerhoben), de 250 m in’n Westen von Seedörp langs löppt. De Opfohrt 13 Uthleer liggt so twee Kilometer in’n Noorden von Seedörp an de K 48.

De nächste Bahnhoff is so bi 13 Kilometer wied weg in’n Noordoosten de Bahnhoff Lübbs an de Bahnlien Bremen–Bremerhoben. De Bahnhoff Bremen-Kreinsloger von de Regio-S-Bahn Bremen/Neddersassen (Lien RS 1) liggt 14 Kilometer in’n Süüdoosten.

Scholen[ännern | Bornkood ännern]

Bet 1970 sünd de Kinner von Seedörp op de Volksschool in Leernst gahn. Nu gaht de Kinner op de Grundschool Uthleer un för de annern Schoolformen na Hagen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 208
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 556
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 163
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 51