Buggehorn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04795 | |
| Geograafsche Laag: | Koordinaten:53° 17′ N, 8° 40′ O53° 17′ N, 8° 40′ O | |
|
| ||
Buggehorn (hoochdüütsch Buggehorn) is en lütten Oort in de Gemeen Oosterholt-Scharmbeek in’n Landkreis Oosterholt, Neddersassen. Binnen de Gemeen höört de Oort to de polietsche Oortschop Garlst.
Geografie[ännern | Bornkood ännern]
De Oort liggt op de Oosterholter Geest. Dat Water ut dat Rebeed flütt över’n Streekgraven na de Drept hen af.
De Naveröörd sünd Vosloog, Hein un Wolsbuddel in’n Noorden, Woldar, Hoop un Brockmannsmöhlen in’n Noordoosten, Garlst in’n Oosten, Heilshorn in’n Süüdoosten, Brundörp in’n Süden, de Meyenbörger Oortsdelen Brakland un Grote-Kamp in’n Süüdwesten un Düngel, Seedörp un Leernst in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Scharmbeek in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Scharmbeek in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.
Buggehorn hett fröher to de Buurschop un later to de Gemeen Garlst tohöört. De Gemeen Garlst is an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn. Binnen de Gemeen höört de Oort sietdem to de Oortschop Garlst.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 2 Füürsteden |
| 1812[2] | 19 |
| 1824[3] | 2 Füürsteden |
| 1848[4] | 19 Lüüd, 2 Hüüs |
| 1. Dezember 1871[5] | 21 Lüüd, 2 Hüüs |
| 1. Dezember 1885[6] | 14 Lüüd, 2 Hüüs |
| 1. Dezember 1905[7] | 19 Lüüd, 2 Hüüs |
Religion[ännern | Bornkood ännern]
Buggehorn is evangeelsch-luthersch präägt un höört to dat Kaspel von de Willehadi-Kark in Scharmbeek.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur[ännern | Bornkood ännern]
För Buggehorn is de freewillige Füürwehr Garlst mit tostännig.
Verkehr[ännern | Bornkood ännern]
De eenzige richtige Straat ut Buggehorn rut geiht na Garlst un an de Landsstraat 135 (fröher Deel von de Bundsstraat 6). De L 135 föhrt in’n Noordwesten över Hoop an Hagen langs op Bremerhoben-Wulsdörp to un in’n Süden över Heilshorn na Ihlpohl un Bremen-Noord. Von Garlst geiht in’n Süüdoosten de Kreisstraat 46 na Hülsbarg un von dor na Oosterholt-Scharmbeek an de B 74.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer in’n Noordwesten von Buggehorn un de Opfohrt 14 Swonewebel in’n Süüdwesten doot all beid so 13 Kilometer wied weg liggen. De Opfohrt 15 Ihlpohl in’n Süden is 14 Kilometer von Buggehorn weg.
De nächsten Bahnhööv sünd an de Bahnlien Bremen–Bremerhoben so bi 14 Kilometer wied weg in’n Oosten de Bahnhoff Olenbüttel un in’n Süüdoosten de Bahnhoff Oosterholt-Scharmbeek.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 42
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 102
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142