Grundschool Uthleer
De Grundschool Uthleer is en Grundschool in dat Dörp Uthleer. Dreger is de Gemeen Hagen. De School hett 135 Schölers un 14 Schoolmeesters.
Dor gaht de Schölers ut de Öörd Uthleer, Wolsbuddel, Hein, Hoop, Leernst, Saans, Offenwarden, Weersbe un Wortfleet hen.
Historie[ännern | Bornkood ännern]
De öllsten Narichten von en School in Uthleer sünd von 1793.[1] Dor hett de Schoolgemeen mit dat Kunsistorjen in Stood över den Neebo von en Schoolhuus verhannelt.[1] En School mutt to de Tied also al länger bestahn hebben.[1] 1845 harr de School üm un bi 140 Schölers un en ne’en Klassenruum is anboot worrn.[1] 1854 is en tweet Klassenruum boot un en tweten Schoolmeester instellt worrn.[1] 1875 hebbt se de Schölers in dree Klassen indeelt, de aver noch in twee Klassenrüüm un von twee Schoolmeesters Ünnerricht kregen hebbt.[1]
Dat ole Schoolhuus weer oold un lütt un dorüm is 1910/1911 en lütt Stück in’n Süden von dat ole Gebüüd en neet Schoolhuus boot worrn, in dat de Ünnerricht to’n 1. April 1911 anfungen hett.[1] Dat ole Schoolhuus is noch as Lehrerwahnung bruukt worrn, bet dat an’n 17. September 1920 afbrennt is.[1] 1966 is de School utboot worrn un hett en Reeg ne’e Rüüm kregen.[1]
De ole Volksschool is 1970 to en Grundschool worrn.[1] Vörher harr de School 1969 al de 7. un 8. Klass na Hagen afgeven un 1970 ok de 5. un 6. Klass.[1] Dormit hett sik 1970 denn de Realschool Hagen billt.[1] De Scholen in Leernst un Wolsbuddel hebbt 1969/1970 dichtmaakt un de Schölers sünd denn in Uthleer na School gahn.[1] Bet 1971 is noch de Gemeen Uthleer Dreger von de School ween, hett de Dregerschop denn aver an de Samtgemeen Hagen afgeven (de an’n 1. Januar 2014 in de Gemeen Hagen övergahn is).[1] 1975 hett de School noch wedder en Anbo mit en veerten Klassenruum kregen.[1]
1977 harr de School 147 Schölers.[1] Disse Tall is an’t Enn von de Johren 1980 bet op 62 dalgahn.[1] Bet 2005 is se aver wedder bet op 152 stegen.[1] De Turnhall keem 1981.[1] 1993 is de eerste Etaasch von dat Gebüüd von 1910 to twee Klassenrüüm utboot worrn.[1] 2002 hett de School en 306 m² groten Anbo mit dree ne’e Klassenrüüm un en ne’e Pausenhall kregen.[1]
Nadem 2008 de Grundschool Weersbe dichtmaakt hett, kemen ok de Kinner ut Weersbe, Offenwarden, Wortfleet un Saans na Uthleer.
Schoolbaas[ännern | Bornkood ännern]
- –1772: Speck(e)ter
- 1772–1813: Schrader
- 1813–1845: Chr. Plöger
- 1845–1851: Itgen
- 1851–1857: Syriacks
- 1857–1886: Joh. Hinze
- 1886–1919: E. A. Offermann
- 1919–1937: H. Schomacker
- 1937–1939: W. Schulz
- 1939–1945: vertreden dör Schoolmeester von benaverte Scholen
- 1945–1949: Verwaltung dör Ludwig Lienau
- 1949–1976: Ludwig Lienau
- 1976–1987: G. Petershagen
- 1987–2005: Gerhard Oetjen
- 2005–2018: Norbert Nowka
- 2018–: Nadine König
Footnoten[ännern | Bornkood ännern]
Weblenken[ännern | Bornkood ännern]
- Websteed von de School (hoochdüütsch)
Koordinaten:53° 18′ N, 8° 35′ O