Dörphagen

Vun Wikipedia
Wapen/Flagg Koort

Wapen vun Dörphagen

Dörphagen
Laag vun Dörphagen in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Flach: 7,05 km²
Inwahners: 203 (2017-00-002017)
Inwahnerdicht: 28,8 Inwahners pro km²
Hööchd: 14 m över NHN
Postleettall: 27628
Vörwahl: 04746
Geograafsche Laag:
Koordinaten:53° 21′ N, 8° 41′ O
53° 21′ N, 8° 41′ O
RechtenflethSaansOffenwardenWeersbeWortfleetUthleerLeernstHein (Landkreis Cuxhoben)WolsbuddelHoop (Landkreis Cuxhoben)DriftsethKassbrookDörphagenHagen (Landkreis Cuxhoben)AlbstBraamst (Oortschop)
Laag von Dörphagen in de Gemeen Hagen (Koort lett sik anklicken)

Karte

Dörphagen (hoochdüütsch Dorfhagen) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.

Geografie[ännern | Bornkood ännern]

De Oort liggt op de Oosterholter Geest. Dat Water ut dat Rebeed flütt över Gravens na de Drept hen af, de annerthalv Kilometer in’n Westen langsflütt. Ut de Rebeden in’n Oostdeel von Dörphagen flütt dat Water deelwies ok na de Gackau.

De Naveröörd sünd Börsten un Braamst in’n Noorden, Finn un Finterbarg in’n Noordoosten, Albst, Büggeln un Hoop in’n Süüdoosten, Wolsbuddel, Heesen, Leernst un Neenhusen in’n Süüdwesten, Harmonie un Uthlederbarg in’n Westen un Hagen in’n Noordwesten.

Historie[ännern | Bornkood ännern]

To de öllsten Funnen ut Dörphagen höört de Grootsteengräver bi Dörphagen.

Dörphagen kummt 1110 as Hagen toeerst in de Oorkunnen vör. In’n Naam von’n Oort finnt sik de Sülv -hagen, de in en ganze Reeg von Oortsnaams vörkummt un inheegt Stück Land bedüüdt. Dörphagen hett fröher eenfach blots Hagen heten. Düsse Naam is övergahn op de Borg Hagen, de in’n Noordwesten von dat Dörp leeg. Later is dat Dörp denn Dörphagen nöömt worrn, üm en Ünnerscheed to Borghagen to maken un to dat Dörp Dammhagen, dat sik mit de Tied bi de Borg billt hett. Vondaag warrt Dammhagen mehrstendeels eenfach Hagen nöömt.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Dammhagen in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1885 weer Dörphagen in de Böörd Braamst von dat Amt Hagen un na 1885 in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort weer fröher en egenstännige Gemeen, de von’n 1. Januar 1970 bet 28. Februar 1974 Maat von de Samtgemeen Hagen weer. Mit de Gemeenreform in Neddersassen an’n 1. März 1974 is Dörphagen Deel von de Gemeen Hagen worrn. An’n 1. Januar 2014 is de Gemeen Hagen denn tohoop mit de ganze Samtgemeen Hagen oplööst un Deel von de ne’e Gemeen Hagen worrn. Sietdem billt Dörphagen binnen de Gemeen en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[1] 23 Füürsteden
1812-00-001812[2] 120
1824-00-001824[3] 23 Füürsteden
1848-00-001848[4] 151 Lüüd, 28 Hüüs
1871-12-011. Dezember 1871[5] 135 Lüüd, 29 Hüüs
1885-12-011. Dezember 1885[6] 136 Lüüd, 29 Hüüs
1905-12-011. Dezember 1905[7] 147 Lüüd, 27 Hüüs
1910-12-011. Dezember 1910[8] 146
1925-00-001925[9] 154
1933-00-001933[9] 164
1939-00-001939[9] 165

Religion[ännern | Bornkood ännern]

Dörphagen is evangeelsch-luthersch präägt un höört to dat Kaspel von de Jacobi-Kark in Braamst.

För de Kathoolschen is de Hillig-Hart-Jesu-Kark in Geestmünn tostännig.

Wapen[ännern | Bornkood ännern]

Dat Wapen von Dörphagen wiest op blauen Grund op en grönen Dreebarg in’n Schildfoot en halven gollen Lööw mit rode Tung un Klauen, de in de rechte Klau en sülvern Sweert höllt. Blangen den Lööw vörn is en gollen Kleverbladd to sehn un achtern en gollen Ohr.

Utklamüsert hett dat Wapen de Heraldiker Gustav Völker. De Barg steiht för den Galgenbarg von de Böörd Braamst, de in Dörphagen weer. De Lööw mit dat Sweert is Symbool för de Sühn vör Gericht. Kleverbladd un Ohr staht för de Bueree.

Oortsvörsteihers[ännern | Bornkood ännern]

  • 1. Januar 2014–: Udo Allmers (CDU)

Weertschop un Infrastruktur[ännern | Bornkood ännern]

För Dörphagen is de freewillige Füürwehr Hagen mit tostännig.

Verkehr[ännern | Bornkood ännern]

An Dörphagen langs löppt de Landsstraat 135 (fröher Deel von de Bundsstraat 6), de in’n Noordwesten an Stotel langs na Bremerhoben-Wulsdörp geiht un in’n Süden över Hoop un Garlst na Ihlpohl un Bremen-Noord. Lüttjere Straten loopt na Albst, Wolsbuddel un Hagen.

De nächste Autobahn is de Autobahn 27 (Afsnidd BremenBremerhoben). De Opfohrt 13 Uthleer liggt so acht Kilometer in’n Süüdwesten von Dörphagen an de K 48.

De nächste Bahnhoff is so bi acht Kilometer wied weg in’n Oosten de Bahnhoff Lübbs an de Bahnlien Bremen–Bremerhoben.

Scholen[ännern | Bornkood ännern]

De ole Volksschool in Dörphagen hett in de Johren 1960 dichtmaakt.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 57
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 234
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 163
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de

Weblenken[ännern | Bornkood ännern]

Dörphagen. Mehr Biller, Videos oder Audiodateien to’t Thema gifft dat bi Wikimedia Commons.