Albst

Vun Wikipedia
Zur Navigation springen Zur Suche springen
Wapen/Flagg Koort

Wapen vun Albst

Albst
Laag vun Albst in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Inwahners:
Postleettall: 27628
Vörwahl: 04746
Geograafsche Laag:
Koordinaten:53° 20′ N, 8° 43′ O
53° 20′ N, 8° 43′ O
RechtenflethSaansOffenwardenWeersbeWortfleetUthleerLeernstHein (Landkreis Cuxhoben)WolsbuddelHoop (Landkreis Cuxhoben)DriftsethKassbrookDörphagenHagen (Landkreis Cuxhoben)AlbstBraamst (Oortschop)
Laag von Albst in de Gemeen Hagen (Koort lett sik anklicken)

Albst (hoochdüütsch Albstedt) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.

Geografie[ännern | Bornkood ännern]

Dicht bi Albst liggt de Gackau, de hier ehren Born hett.

De Naveröörd sünd Finn, Finterbarg un Harndorp in’n Noorden, Ax un Wohlthöben in’n Noordoosten, Biloh in’n Oosten, Ohlenst in’n Süüdoosten (de letzten veer in’n Landkreis Oosterholt), Büggeln un Hoop in’n Süden, Wolsbuddel un Woldar in’n Süüdwesten un Dörphagen in’n Noordwesten.

Historie[ännern | Bornkood ännern]

Dat eerste Maal kummt de Oort 1105 as Alpenstedi in en Oorkunn von’n Bremer Arzbischop Friedrich I. vör.

Verwaltungsgeschicht[ännern | Bornkood ännern]

Vör 1885 weer Albst in’t Amt Hagen un na 1885 in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

An’n 1. März 1974 is de ole Gemeen Albst Deel von de Gemeen Wolsbuddel worrn. An’n 1. Januar 2014 sünd Albst un Wolsbüddel denn tohoop Deel von de ne’e Gemeen Hagen worrn. Dorbi is de vörherige Gemeen Wolsbuddel in verscheden Oortschoppen opdeelt worrn, de nu wedder de Gemenen afbillt, so as se vör 1974 bestahn hebbt. Albst billt sietdem en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1824-00-001824[1] 28 Füürsteden
1848-00-001848[2] 160 Lüüd. 28 Hüüs
1910-12-011. Dezember 1910[3] 184
1925-00-001925[4] 223
1933-00-001933[4] 265
1939-00-001939[4] 273

Religion[ännern | Bornkood ännern]

Albst is evangeelsch-luthersch präägt un höört bi dat Kaspel von de Lucia-Kark in Wolsbuddel.

Wapen[ännern | Bornkood ännern]

Dat Wapen von Albst is dwars deelt un wiest vörn baven op gollen Grund en swarte Borenpoot mit rode Klauen un achtern ünnen op blauen Grund en sülvern Leel.

De Borenpoot kummt ut dat Wapen von de Greven von Hoya, de fröher in Albst Besitt harrn, un de Leel steiht för dat Klooster Lelendaal, dat ok Besitt in Albst harr.

Oortsvörsteihers[ännern | Bornkood ännern]

  • 1. Januar 2014–: Philipp Lange (CDU)

Kultur[ännern | Bornkood ännern]

Verenen[ännern | Bornkood ännern]

De Schützenvereen Albst is an’n 23. März 1929 grünnt worrn.

Weertschop un Infrastruktur[ännern | Bornkood ännern]

Albst hett en egen Freewillige Füürwehr.

Verkehr[ännern | Bornkood ännern]

Albst liggt an de Kreisstraat 48, de in’n Noordoosten na Wohlthöben löppt. In’n Süüdwesten löppt de Straat över Büggeln, Wolsbuddel un Leernst na Uthleer. Twüschen Büggeln un Wolsbuddel krüüzt de K 48 de Landsstraat 135 un bi Leernst liggt de Opfohrt 13 Uthleer op de Autobahn 27 (Afsnidd BremenBremerhoben). Ans gifft dat noch lüttjere Straten na Dörphagen un Biloh.

De nächste Bahnhoff is de Bahnhoff Lübbs in Wohlthöben an de Bahnlien Bremen-Cuxhoben.

Scholen[ännern | Bornkood ännern]

Albst hett en egen Kinnergoorn.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 10: http://books.google.de/books?id=tG0AAAAAcAAJ&pg=PA10
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
  3. http://www.gemeindeverzeichnis.de/gem1900/gem1900.htm?hannover/geestemuende.htm
  4. a b c http://www.verwaltungsgeschichte.de/wesermuende.html