Born (Landkreis Cuxhoben)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 19′ N, 8° 38′ O53° 19′ N, 8° 38′ O | |
|
| ||
Born (hoochdüütsch Born) is en lütten Oort in de Gemeen Hagen in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Leernst.
Geografie[ännern | Bornkood ännern]
De Oort liggt op de Oosterholter Geest. Knapp twee Kilometer in’n Oosten von Born löppt de Drept langs. Dat Water ut dat Rebeed flütt aver vör allen över dat Kuhfleet na’n Aschwarder Floodgraven hen af. In’n Noordwesten liggt dat Naturschuulrebeed Borner Moor.
De Naveröörd sünd Neenhusen in’n Noorden, Leernst in’n Oosten, Seedörp in’n Süden, Uthleer in’n Westen un Uthlederbarg un Harmonie in’n Noordwesten.
Historie[ännern | Bornkood ännern]
Born höört von fröher her to Neenhusen, is aver al siet lange Tied mit Leernst tohoopwussen un warrt vondaag as en Deel von’n Oort Leernst ansehn.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Meyenborg in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to dat Gericht Neenhusen tohöört un denn von 1852 bet 1885 to dat Amt Hagen. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort hett fröher to de egenstännige Gemeen Neenhusen höört, de ut de dree Öörd Neenhusen, Born un Vosloog bestahn hett. An’n 1. April 1929 hett de Gemeen Neenhusen ehr Egenstännigkeit verloren un is Deel von de Gemeen Leernst worrn. An’n 1. März 1974 is de Gemeen Leernst mit de Gemeenreform in Neddersassen an de Gemeen Wolsbüddel kamen. An’n 1. Januar 2014 is de Gemeen Wolsbüddel Deel von de ne’e Gemeen Hagen worrn. Binnen de Gemeen Hagen höört Born sietdem to de Oortschop Leernst.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 8 Füürsteden |
| 1824[2] | 8 Füürsteden |
| 1848[3] | 42 Lüüd, 9 Hüüs |
| 1. Dezember 1871[4] | 44 Lüüd, 9 Hüüs |
| 1. Dezember 1885[5] | 44 Lüüd, 9 Hüüs |
| 1. Dezember 1905[6] | 37 Lüüd, 9 Hüüs |
Religion[ännern | Bornkood ännern]
Born is evangeelsch-luthersch präägt un höört bi dat Kaspel von de Lucia-Kark in Wolsbuddel.
För de Kathoolschen is de Hillig-Hart-Jesu-Kark in Geestmünn tostännig.
De Doden warrt op’n Karkhoff Leernst begraven. De is 1959 anleggt worrn. Vörher sünd de Lüüd bi de Kark in Wolsbuddel begraven worrn.
Weertschop un Infrastruktur[ännern | Bornkood ännern]
För Born is de freewillige Füürwehr Leernst mit tostännig.
Verkehr[ännern | Bornkood ännern]
Born liggt in de Neegd von de Kreisstraat 48, de in’n Westen na Uthleer an de Landsstraat 134 löppt un in’n Noordoosten över Wolsbuddel an de L 135 un wieder na Albst, Wohlthöben un Lübbs.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so twee Kilometer in’n Westen von Born an de K 48.
De nächste Bahnhoff is so bi twölv Kilometer wied weg in’n Noordoosten de Bahnhoff Lübbs an de Bahnlien Bremen–Bremerhoben.
Scholen[ännern | Bornkood ännern]
De Kinner ut Born gaht vondaag op de Grundschool Uthleer. Bet 1970 sünd se op de Volksschool in Leernst gahn. Ganz fröher güngen de Kinner in Wolsbuddel na School.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 31
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 76
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 151
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 51
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)