Dannendörp

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Dannendörp
Laag vun Dannendörp in Düütschland
Basisdaten
Bundsland: Neddersassen
Landkreis: Cuxhoben
Gemeen: Hagen
Inwahners:
Postleettall: 27628
Vörwahl: 04746
Geograafsche Laag:
Koordinaten:53° 23′ N, 8° 38′ O
53° 23′ N, 8° 38′ O

Dannendörp (hoochdüütsch Tannendorf) is en Oort in de Gemeen Hagen in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Driftseth.

Geografie[ännern | Bornkood ännern]

De Oort liggt an’n Rand von de Oosterholter Geest hen na de Maschen von de Werser un de Drept. Dat Water ut dat Rebeed flütt över de Drept af.

De Naveröörd sünd Braamstermoor, Hahnenknopermoor un Drostendamm in’n Noorden, Wittst un Heis in’n Noordoosten, Kraansmoor un Gackau in’n Oosten, Braamst un Börsten in’n Süüdoosten, Hagen un Kassbrook in’n Süden, Kassbroker Heid un Grienenbargshusen in’n Süüdwesten, Driftseth in’n Westen un Neenlannermoor, Langendammsmoor un Krehlen in’n Noordwesten.

Historie[ännern | Bornkood ännern]

De eersten dree Hüüs von Dannendörp sünd twüschen Eersten un Tweten Weltkrieg boot worrn. Na’n Tweten Weltkrieg sünd dor noch en ganze Reeg Hüüs tokamen, in de vör allen Verdrevene ut de Oostrebeden ünnerkamen sünd.[1]

Verwaltungsgeschicht[ännern | Bornkood ännern]

De Oort weer in de eerste Tied in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort hett fröher to de Gemeen Driftseth mit tohöört, de an’n 1. Januar 2014 oplööst un in de Gemeen Hagen opgahn is. Von 1970 bet 2014 weer de Gemeen Driftseth Maat von de Samtgemeen Hagen. De Oort höört binnen de Gemeen nu to de Oortschop Driftseth, de en egen Oortsraad un Oortsbörgermeester hett.

Religion[ännern | Bornkood ännern]

Dannendörp is evangeelsch-luthersch präägt un höört to dat Kaspel von de Martin-Luther-Kark in Hagen.

För de Kathoolschen is de Hillig-Hart-Jesu-Kark in Geestmünn tostännig.

De Doden warrt op’n Karkhoff Driftseth begraven.

Weertschop un Infrastruktur[ännern | Bornkood ännern]

För Dannendörp is de freewillige Füürwehr Driftseth mit tostännig.

Verkehr[ännern | Bornkood ännern]

Dannendörp is över Driftseth un de Kreisstraat 52 in’n Süüdwesten anbunnen an de K 51, de in’n Westen na Saans an de K 50 ran geiht un in’n Süüdoosten na Hagen an de Landsstraat 134. De L 134 föhrt von dor in’n Noordoosten över Braamst, Bokel un Stubben na Beverst un in’n Süüdwesten na Uthleer un Swonewebel. In’n Noordoosten löppt en Straat na de L 135, de in’n Noordwesten över Hahnenknoop un Stotel na Bremerhoben föhrt un de in’n Süüdoosten twüschen Hagen un Braamst de L 134 krüüzt un denn wiederlöppt över Hoop un Garlst na Bremen-Noord.

De nächste Autobahn is de Autobahn 27 (Afsnidd BremenBremerhoben). De Opfohrt 12 Hagen liggt so veer Kilometer in’n Süüdwesten von Dannendörp an de K 51.

De nächste Bahnhoff is so bi twölv Kilometer wied weg in’n Noordoosten de Bahnhoff Luunst an de Bahnlien Bremen–Bremerhoben.

Scholen[ännern | Bornkood ännern]

De Kinner sünd bet 1975 op de Volksschool in Driftseth gahn. Sietdem gaht se na de Grundschool an de Staleke. Nadem se mit de Grundschool dör sünd, gaht se in Hagen för Haupt- un Realschool op de Hermann-Allmers-School oder för dat Gymnasium op de Waldschool Hagen/Beverst.

Footnoten[ännern | Bornkood ännern]

  1. driftsethe.de: Ortsbeschreibung