Harmonie (Gemeen Hagen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 21′ N, 8° 37′ O53° 21′ N, 8° 37′ O | |
|
| ||
De Harmonie (hoochdüütsch Harmonie) is en lütten Oort in de Gemeen Hagen in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Hagen mit to.
Geografie[ännern | Bornkood ännern]
De Oort liggt op’n Rand von de Oosterholter Geest an’n Rand von dat Grienenbargsmoor un dat Hagener Königsmoor, de hier deep in de Geest rinreckt. Dat Water ut dat Rebeed flütt över Gravens na’n Indiekkanaal hen af. In’n Süden liggt dat Naturschuulrebeed Borner Moor.
De Naveröörd sünd Grienenbargshusen in’n Noorden, Kassbrook un Hagen in’n Noordoosten, Dörphagen in’n Oosten, Wolsbuddel, Leernst un Neenhusen in’n Süüdoosten, Uthleer un Weersbermoor in’n Süüdwesten un Offenwardermoor un Saanstermoor in’n Noordwesten.
Historie[ännern | Bornkood ännern]
De Harmonie is as Gasthuus an de Straat twüschen Hagen un Uthleer anleggt worrn. Eerst in dat 20. Johrhunnert sünd dor noch annere Hüüs boot worrn un de Harmonie is to en lütten Oort ranwussen. Ünner annern hett dat dor dat Klinkerwark Hagen un en Törfwark geven.
Verwaltungsgeschicht[ännern | Bornkood ännern]
De Oort hett vör 1885 to de Böörd Braamst von dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort hett jümmer al to de Gemeen Hagen tohöört. An’n 1. Januar 2014 is de Gemeen Hagen denn Deel von de ne’e Eenheitsgemeen Hagen worrn. Sietdem höört de Harmonie to de Oortschop Hagen binnen de Gemeen.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1871[1] | 3 Lüüd, 1 Huus |
| 1. Dezember 1885[2] | 3 Lüüd, 1 Huus |
| 1. Dezember 1905[3] | 2 Lüüd, 1 Huus |
Religion[ännern | Bornkood ännern]
De Harmonie is evangeelsch-luthersch präägt un höört to dat Kaspel von de Martin-Luther-Kark in Hagen. De Kark is 1897 boot worrn. Vörher hett de Oort to dat Kaspel von de Jacobi-Kark in Braamst höört.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur[ännern | Bornkood ännern]
För de Harmonie is de freewillige Füürwehr Hagen mit tostännig.
Verkehr[ännern | Bornkood ännern]
Dör de Harmonie löppt de Landsstraat 134, de in’n Süden över Uthleer un Meyenborg na Swonewebel geiht un in’n Noordoosten över Hagen, Braamst un Bokel na Stubben un Beverst.
De nächste Autobahn is de Autobahn 27 (Afsnidd Bremen–Bremerhoben), de blots en poor hunnert Meter in’n Westen von’n Oort langslöppt. Na de Opfohrt 12 Hagen in’n Noordwesten von de Harmonie an de K 51 sünd dat liekers knapp söven Kilometer.
De Bahnhööv Stubben un Lübbs an de Bahnlien Bremen–Bremerhoben sünd all beid so üm un bi 14 Kilometer wied weg in’n Noordoosten/Oosten. Op de Nedderwerserbahn hett dat von 1911 bet 1931 Personenverkehr geven. De Bahnhööv Offenwarden un Weersbe legen so söss Kilometer in’n Westen.
Footnoten[ännern | Bornkood ännern]
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 51
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)