Uthleererbarg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 20′ N, 8° 35′ O53° 20′ N, 8° 35′ O | |
|
| ||
Uthleererbarg (hoochdüütsch Uthlederberg) is en lütten Oort in de Gemeen Hagen in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Uthleer mit to.
Geografie
[ännern | Bornkood ännern]De Oort liggt op en Geestsporn, de in en Moorrebeed mit dat Grienenbargsmoor in’n Noordoosten un dat Grote Moor in’n Noordwesten rinreckt. Dat Grote Moor billt dat Siedland von de Masch von Oosterstood. De Geestsporn höört to de Oosterholter Geest. Dat Water ut dat Rebeed flütt na Westen hen na’n Uthleererbarger Randgraven af un von dor wieder in’n Indiekkanaal. Na Noorden to liggt dat Naturschuulrebeed Bargsmoor/Rechtenflethermoor.
De Naveröörd sünd Rechtenflethermoor un Wittenbarg in’n Noorden, Grienenbargshusen, Kassbrook un Hagen in’n Noordoosten, Harmonie in’n Oosten, Neenhusen, Leernst un Born in’n Süüdoosten, Uthleer mit Cleve un Rechtebermoor in’n Süden, Weersbermoor in’n Süüdwesten, Offenwardermoor in’n Westen un Saanstermoor in’n Noordwesten.
Historie
[ännern | Bornkood ännern]De Oort Uthleererbarg is eerst in dat 19. Johrhunnert anleggt worrn.
Verwaltungsgeschicht
[ännern | Bornkood ännern]De Oort weer fröher in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort höört al von öllers bi de Gemeen Uthleer mit bi, de an’n 1. Januar 2014 Deel von de Gemeen Hagen worrn is. Sietdem is Uthleererbarg Deel von de Oortschop Uthleer binnen de Gemeen Hagen.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1905[1] | 163 Lüüd, 31 Hüüs |
Religion
[ännern | Bornkood ännern]Uthleererbarg is evangeelsch-luthersch präägt un höört to dat Kaspel von de Nicolai-Kark in Uthleer.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur
[ännern | Bornkood ännern]För Uthleererbarg is de freewillige Füürwehr Uthleer mit tostännig.
Verkehr
[ännern | Bornkood ännern]En Stück in’n Oosten von Uthleererbarg löppt de Landsstraat 134 langs, de in’n Süden över Uthleer, Meyenborg un Swonewebel na Bremen-Blomendaal geiht un in’n Noordoosten över Hagen un Braamst na Stubben un Beverst. Lüttjere Straten loopt direkt na Uthleer un in’n Westen na Weersbe un Offenwarden.
De nächste Autobahn is de Autobahn 27 (Afsnidd Bremen–Bremerhoben), de direkt an’n Oort langslöppt. De Opfohrt 12 Hagen liggt so veer Kilometer in’n Noorden von Uthleererbarg an de K 51.
De nächsten Bahnhööv sünd so bi 18 Kilometer wied weg in’n Oosten/Noordoosten de Bahnhoff Lübbs un de Bahnhoff Stubben an de Bahnlien Bremen–Bremerhoben. Op de Nedderwerserbahn hett dat von 1911 bet 1931 Personenverkehr geven. De Bahnhööv Offenwarden un Wersbe legen good veer Kilometer in’n Westen.
Scholen
[ännern | Bornkood ännern]De Kinner gaht na de Grundschool Uthleer.
Footnoten
[ännern | Bornkood ännern]- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)