Neenhusen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 19′ N, 8° 38′ O53° 19′ N, 8° 38′ O | |
|
| ||
Neenhusen (hoochdüütsch Neuenhausen) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Leernst.
Bi Neenhusen höört ok de lüttjere Oort Born mit bi.
Geografie
[ännern | Bornkood ännern]De Oort liggt op de Oosterholter Geest. Knapp twee Kilometer in’n Oosten von Neenhusen löppt de Drept langs. Dat Water ut dat Rebeed flütt aver vör allen över dat Kuhfleet na’n Aschwarder Floodgraven hen af. In’n Noorden liggt dat Naturschuulrebeed Süüdlich Hagener Königsmoor un in’n Westen dat Borner Moor.
De Naveröörd sünd Hagen in’n Noorden, Dorphagen in’n Noordoosten, Heesen un Wolsbuddel in’n Oosten, Hein un Leernst in’n Süüdoosten, Born in’n Süden, Uthleer in’n Westen un Uthlederbarg un Harmonie in’n Noordwesten.
Historie
[ännern | Bornkood ännern]De Oort Neenhusen geiht trügg op dat Good Neenhusen, dat 1537 toeerst in de Oorkunnen vörkeem. In Neenhusen ünner de Staleek hebbt fröher de Gerichtsherrn von dat Gericht Neenhusen Gericht hollen.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Meyenborg in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to dat Gericht Neenhusen tohöört un denn von 1852 bet 1885 to dat Amt Hagen. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort weer fröher en egenstännige Gemeen, de ut de dree Öörd Neenhusen, Born un Vosloog bestahn hett. Vosloog weer nich direkt mit Neenhusen verbunnen, dor hett noch Leernst twüschenlegen. Vosloog hett de Gemeen dorüm 1923 an de Gemeen Hein afgeven müsst, wat dichter bi leeg. An’n 1. April 1929 hett de Gemeen Neenhusen ehr Egenstännigkeit verloren un is Deel von de Gemeen Leernst worrn. An’n 1. März 1974 is de Gemeen Leernst mit de Gemeenreform in Neddersassen an de Gemeen Wolsbüddel kamen. An’n 1. Januar 2014 is de Gemeen Wolsbüddel Deel von de ne’e Gemeen Hagen worrn. Binnen de Gemeen Hagen höört Neenhusen sietdem to de Oortschop Leernst.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 22 Füürsteden |
| 1812[2] | 120* |
| 1824[3] | 22 Füürsteden |
| 1848[4] | 101 Lüüd, 18 Hüüs |
| 1. Dezember 1871[5] | 98 Lüüd, 17 Hüüs |
| 1. Dezember 1885[6] | 71 Lüüd, 16 Hüüs |
| 1. Dezember 1905[7] | 73 Lüüd, 17 Hüüs |
| 1. Dezember 1910[8] | 138** |
- * tohoop mit Born
- ** tohoop mit Born un Vosloog
Religion
[ännern | Bornkood ännern]Neenhusen is evangeelsch-luthersch präägt un höört bi dat Kaspel von de Lucia-Kark in Wolsbuddel.
För de Kathoolschen is de Hillig-Hart-Jesu-Kark in Geestmünn tostännig.
De Doden warrt op’n Karkhoff Leernst begraven. De is 1959 anleggt worrn. Vörher sünd de Lüüd bi de Kark in Wolsbuddel begraven worrn.
Börgermeesters
[ännern | Bornkood ännern]- 1. Dezember 1920–31. März 1929: Georg Prigge[9]
Weertschop un Infrastruktur
[ännern | Bornkood ännern]För Neenhusen is de freewillige Füürwehr Leernst mit tostännig, de de beiden Dörper 1902 tohoop grünnt hebbt.
Verkehr
[ännern | Bornkood ännern]De eenzige gröttere Straat ut Neenhusen rut geiht in’n Süüdoosten na Leernst an de Kreisstraat 48. De K 48 löppt in’n Westen na Uthleer an de Landsstraat 134 un in’n Noordoosten över Wolsbuddel an de L 135 un wieder na Albst, Wohlthöben un Lübbs.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so dree Kilometer in’n Süüdwesten von Neenhusen an de K 48.
De nächste Bahnhoff is so bi 13 Kilometer wied weg in’n Noordoosten de Bahnhoff Lübbs an de Bahnlien Bremen–Bremerhoben.
Scholen
[ännern | Bornkood ännern]De Kinner ut Neenhusen gaht vondaag op de Grundschool Uthleer. Bet 1970 sünd se op de Volksschool in Leernst gahn. Ganz fröher güngen de Kinner in Wolsbuddel na School.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 162
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 432
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 151
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50
- ↑ Inwahnertallen op gemeindeverzeichnis.de
- ↑ http://www.lehnstedt.eu/pdfs/z017.pdf
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)