Ohlenst
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Hööchd: | 21 m över NN | |
| Postleettall: | 27711 | |
| Vörwahl: | 04793, 04795 | |
| Geograafsche Laag: | Koordinaten:53° 18′ N, 8° 46′ O53° 18′ N, 8° 46′ O | |
|
| ||
Ohlenst (hoochdüütsch Ohlenstedt) is en Dörp un Oortschop in de Gemeen Oosterholt-Scharmbeek in’n Landkreis Oosterholt, Neddersassen.
Bi Ohlenst höört ok de lüttjeren Öörd Biloh, Büttel, Feldhoff, Haslah un Vörwohl mit to.
Geografie[ännern | Bornkood ännern]
En goden Kilometer in’n Süüdoosten löppt de Giehler Beek an Ohlenst langs. Twee Kilometer in’n Süüdwesten löppt de Drept langs. In’n Süden doot de Ohlenster Quellseen liggen un in’n Oosten dat Naturschuulrebeed Heid un Moor bi Haslah.
De Naveröörd sünd Bremerhorn, Biloh un Ax in’n Noorden, Schrum un Lübbs in’n Noordoosten, Hambargen in’n Oosten, Vörwohl, Kiebitzsegen un Olenbüttel in’n Süüdoosten, Büttel un Hülsbarg in’n Süden, Aßbarg un Garlst in’n Süüdwesten, Haslah un Hoop in’n Westen un Büggeln un Albst in’n Noordwesten.
Historie[ännern | Bornkood ännern]
Ohlenst kummt an’n 13. März 1139 toeerst in de Oorkunnen vör.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Hambargen in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Scharmbeek in dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Kreis Oosterholt worrn.
De Öörd Biloh, Büttel, Feldhoff un Haslah hebbt al jümmer to de Gemeen Ohlenst mit bihöört. Blots Vörwohl is eerst in dat 20. Johrhunnert Deel von de Gemeen worrn un weer vörher egenstännig.
De Oort is an’n 1. März 1974 Deel von de Gemeen Oosterholt-Scharmbeek worrn un billt sietdem en Oortschop mit egen Oortsvörsteiher binnen de Gemeen.[1]
Inwahnertall[ännern | Bornkood ännern]
| Johr | Inwahners |
|---|---|
| 1812[2] | 110 |
| 1824[3] | 17 Füürsteden |
| 1848[4] | 147 Lüüd, 20 Hüüs |
| 1. Dezember 1910[5] | 247 |
| 1925[6] | 268 |
| 1933[6] | 296 |
| 1939[6] | 298 |
Religion[ännern | Bornkood ännern]
Ohlenst is evangeelsch-luthersch präägt un höört to dat Kaspel von de Willehadi-Kark in Scharmbeek.
För de Kathoolschen is de Hillige-Familie-Kark in Oosterholt-Scharmbeek tostännig.
De Karkhoff in Ohlenst is 1930 anleggt worrn.
Oortsvörsteihers[ännern | Bornkood ännern]
- opstunns: Sonja Schulz
Wapen[ännern | Bornkood ännern]
Dat Wapen von Ohlenst wiest op gollen Grund en bruun Wagenrad mit fiev sülvern Speken. Över dat Rad sünd twee gröne Ekenbläder to sehn. De Speken staht för de fiev Oortsdelen von Ohlenst. De Radass steiht för Ohlenst sülvst. Op de Speken un de Ass staht ok de Naams von de Oortsdelen op.
Weertschop un Infrastruktur[ännern | Bornkood ännern]
Ohlenst hett en egene freewillige Füürwehr.
Verkehr[ännern | Bornkood ännern]
Dör Ohlenst löppt de Kreisstraat 16, de in’n Noorden na Harndorp geiht un in’n Süden över Hülsbarg na Oosterholt-Scharmbeek. Von de K 16 geiht in’n Oosten de K 4 af, de in Spreddig an de Bundsstraat 74 ran geiht. Lüttjere Straten gifft dat ans na Hambargen un Garlst.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Utleed liggt so ölven Kilometer in’n Westen von Ohlenst.
De nächste Bahnhoff is so bi fiev Kilometer wied weg in’n Süüdoosten de Bahnhoff Olenbüttel an de Bahnlien Bremen–Bremerhoben.
Scholen[ännern | Bornkood ännern]
Ohlenst hett en Waldorf-Kinnergoorn un en Speelkreis.
De Kinner ut dat Dörp gaht na de Grundschool Heilshoorn. De Grundschool Ohlenst, op de de Kinner vörher gahn sünd, hett mit dat Enn von dat Schooljohr 2016/2017 dichtmaakt.
Lüüd[ännern | Bornkood ännern]
De Maler Walter Hundt un de Anthroposophin Marie Griesbach hebbt von 1924 af an tohoop en Buurnhoff in Ohlenst föhrt. De beiden hebbt dor leevt, bet Walter Hundt 1975 un Marie Griesbach 1984 doodbleven sünd.
Literatur[ännern | Bornkood ännern]
- Festschrift 850 Jahre Ortschaft Ohlenstedt: 1139 - 1989. 1989
Footnoten[ännern | Bornkood ännern]
- ↑ Hauptsatzung von de Stadt Oosterholt-Scharmbeek, § 8
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
- ↑ C. H. Jansen: Statistisches Handbuch des Königreichs Hannover. 1824, Sied 460: http://books.google.de/books?id=tG0AAAAAcAAJ&pg=PA460
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ a b c http://www.verwaltungsgeschichte.de/osterholz.html
Weblenken[ännern | Bornkood ännern]
- private Websteed över dat Dörp (hoochdüütsch)
Düvelsmoor | Freißenbüttel | Garlst | Heilshorn | Hülsbarg | Ohlenst | Oosterholt-Scharmbeek | Pennigbüttel | Sandhusen | Scharmbeekstotel