Hamm (Stroom)

Vun Wikipedia
(wiederwiest vun Giehler Beek)
Zur Navigation springen Zur Suche springen
Hamm
Laag Neddersassen
de Hamm in’t Düvelsmoor
Stroomsystem Werser
Läng 48.5 km
Born bi Heilshoorn in de Lange Heid (op 45 m över NN)
Münn billt mit de Wümm de Leessem (op 2 m över NN)
Afströömrebeed 549 km²
Water je Sekunn 4,5 m³/s
linke Blangenströöm Kollbeek, Rummeldeisbeek, Schmoo, Umbeek
rechte Blangenströöm Beek, Oosterholter Havenkanaal, Scharmbeker Beek
schippbor bet to’n Oosterholter Havenkanaal
Seen -
Havens -
Slüüs in Hu’e

De Hamm is en Beek in’n Landkreis Oosterholt in Neddersassen un is 48,5 Kilometer lang. Ehren Born hett se as Giehler Beek bi Heilshoorn in de Lange Heid. Se billt bi Borgdamm tohoop mit de Wümm de Leessem.

Giehler Beek in’t Springmoor bi Giehlermöhlen
Steed, an de Giehler Beek un Kollbeek (Oost-Hamm-Kanaal) tohoopfleten doot
Steed, an de Hamm un Wümm de Leessem billt

De Born von’n Giehler Beek is twüschen Heilshoop un Westerbeek in de Lange Heid op 45 över de See. He flütt eerst en kort Enn na Oosten op Freißenbüttel to un denn na Noorden an Hülsbarg un Büttel langs. Bet dorhen is de Beek al op 15 över de See dalgahn. De Beek flütt twüschen Vörwohl un Kiebitzsegen dör un lett Hambargen un Ohlenst an de beiden Övers liggen. Bi Ohlenst flütt Water ut de Ohlenster Quellseen to. Bi Biloh dreiht de Beek na Noordoost, flütt an Lübbst langs un dreiht jümmer mehr na Oost un denn na Süüdoost. De nöördlichste Punkt is bi Paddewisch. Kort bevör de Beek twüschen Vollerso un Ahrensdörp dörflütt, krüüzt de Bundsstraat 74 den Beek. Dor geiht de Beek denn in dat Düvelsmoor över. Twüschen Giehlermoor un Oostersood kummt de Giehler Beek mit’n Oost-Hamm-Kanaal tohoop (de Kanaal heet op dat letzte Enn Kollbeek). Von dor af an heet de Waterloop denn Hamm. De Hamm flütt nu na Süüdsüüdwesten an Huttenbusch un Düvelsmoor langs. Kort achter Worpsweed, dat op dat linke Över liggt, flütt von rechts de Beek to. De Hamm flütt hier na Süüdwest an Waakhusen, Viehland, Moorhusen un Nedderenn (op dat linke Över) un an Oosterholt, Lintel, Scharmbeekstotel un Hu’e (op dat rechte Över) vörbi. Dor bi Hu’e geiht de Hamm mit de Wümm tohoop un billt de Leessem. De Leessem wedder münnt na teihn Kilometer in de Werser.

Op dat letzte Enn hett de Hamm fröher en Reeg Mäanders billt, de in dat 19. Johrhunnert an söven Steden begraadigt worrn sünd, so dat de Hamm dor nu noch 4,3 Kilometer lang is un nich mehr 9 Kilometer so as fröher. In Hu’e is 1876 en Slüüs boot worrn, de de Hamm free von de Tieden höllt.

Weblenken[ännern | Bornkood ännern]

Commons-logo.svg Hamm (Stroom). Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 10′ N, 8° 45′ O