Freißenbüttel
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 16′ N, 8° 47′ O53° 16′ N, 8° 47′ O | |
|
| ||
Freißenbüttel (hoochdüütsch Freißenbüttel) is en Dörp un Oortschop in de Gemeen Oosterholt-Scharmbeek in’n Landkreis Oosterholt, Neddersassen.
Bi Freißenbüttel höört ok de lüttjeren Öörd Kattenhoorn un Bredbeek mit bi.
Geografie
[ännern | Bornkood ännern]De Oort liggt op de Oosterholter Geest. Freißenbüttel liggt an’n Möhlenbeek, de in de Hamm münnt.
De Naveröörd sünd Vörwohl un Olenbüttel in’n Noorden, Spreddig un Ströh in’n Noordoosten, Sandhusen in’n Oosten, Pennigbüttel in’n Süüdoosten, Wist, Westerbeek un Oosterholt in’n Süden, Bargten in’n Süüdwesten un Hülsbarg un Büttel in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Scharmbeek in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Kreis Oosterholt worrn.
De gröttste Deel von’n Oort is an’n 1. März 1974 Deel von de Gemeen Oosterholt-Scharmbeek worrn, en lüttjeren Deel (de Oort Olenbüttel) is an de Gemeen Hambargen kamen. Freißenbüttel billt sietdem en Oortschop mit egen Oortsvörsteiher binnen de Gemeen Oosterholt-Scharmbeek.[1]
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 22 Füürsteden |
| 1812[3] | 139 |
| 1824[4] | 22 Füürsteden |
| 1848[5] | 145 Lüüd, 24 Hüüs |
| 1. Dezember 1871[6] | 144 Lüüd, 28 Hüüs |
| 1. Dezember 1885[7] | 148 Lüüd, 27 Hüüs |
| 1. Dezember 1905[8] | 171 Lüüd, 28 Hüüs |
| 1. Dezember 1910[9] | 258* |
| 1925[10] | 256* |
| 1933[10] | 248* |
| 1939[10] | 260* |
- * tohoop mit Kattenhoorn, Bredbeek un Olenbüttel
Religion
[ännern | Bornkood ännern]Freißenbüttel is evangeelsch-luthersch präägt un höört siet 1. Oktober 1992 to dat Kaspel von de Emmaus-Kark in Pennigbüttel. Vörher hett de Oort to dat Kaspel von de Willehadi-Kark in Scharmbeek höört.
För de Kathoolschen is de Hillige-Familie-Kark in Oosterholt-Scharmbeek tostännig.
De Doden warrt op’n Karkhoff Pennigbüttel begraven.
Wapen
[ännern | Bornkood ännern]Dat Wapen von Freißenbüttel wiest vörn op sülvern Grund en swarten Aadler un achtern op swarten Grund baven en sülvern Neddersassenhuus un ünnen en sülvern Trummel.
Oortsvörsteihers
[ännern | Bornkood ännern]- opstunns: Martin Kock
Kultur
[ännern | Bornkood ännern]
Verenen
[ännern | Bornkood ännern]Freißenbüttel hett mit’n Scheet-Sport-Club Freißenbüttel von 1964 en Schüttenvereen.
Weertschop un Infrastruktur
[ännern | Bornkood ännern]Freißenbüttel hett en egene freewillige Füürwehr, de 1942 grünnt worrn is.
Verkehr
[ännern | Bornkood ännern]Von Freißenbüttel gaht Straten na Sandhusen un de Bundsstraat 74 in’n Oosten, na Olenbüttel in’n Noordoosten, na Hülsbarg in’n Noordwesten un na Westerbeek in’n Süden. De B 74 löppt in’n Noordoosten över Wallhöben, Kuhs un Basdaal na Bremervöör to un in’n Süüdwesten över Oosterholt-Scharmbeek un Hu’e na Bremen-Noord.
De Opfohrt 16 Bremen-Noord op de Autobahn 27/270 liggt so 15 Kilometer in’n Süüdwesten von Freißenbüttel an de B 74.
De nächste Bahnhoff is so bi dree Kilometer wied weg in’n Noordoosten de Bahnhoff Olenbüttel an de Bahnlien Bremen–Bremerhoben.
Footnoten
[ännern | Bornkood ännern]- ↑ Hauptsatzung von de Stadt Oosterholt-Scharmbeek, § 8
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 77
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 192
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 137
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 140
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]- private Websteed över dat Dörp (plattdüütsch)
Düvelsmoor | Freißenbüttel | Garlst | Heilshorn | Hülsbarg | Ohlenst | Oosterholt-Scharmbeek | Pennigbüttel | Sandhusen | Scharmbeekstotel