Sandhusen (Gemeen Oosterholt-Scharmbeek)
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 16′ N, 8° 49′ O53° 16′ N, 8° 49′ O | |
|
| ||
Sandhusen (hoochdüütsch Sandhausen) is en Dörp un Oortschop in de Gemeen Oosterholt-Scharmbeek in’n Landkreis Oosterholt, Neddersassen. Bi Sandhusen höört ok Neddersandhusen bi.
Geografie[ännern | Bornkood ännern]
In’n Oosten von’n Oort liggt dat Naturschuulrebeed Moor bi Neddersandhusen. Dat Water flütt över den Möhlenbeek na de Hamm hen af.
De Naveröörd sünd Ströh un Spreddig in’n Noorden, Verlüssmoor in’n Noordoosten, Neddersandhusen, Olendamm, Wulfsborg un Düvelsmoor in’n Oosten, Pennigbüttel in’n Süden, Wist un Westerbeek in’n Süüdwesten, Freißenbüttel in’n Westen un Vörwohl un Olenbüttel in’n Noordwesten.
Historie[ännern | Bornkood ännern]
Sandhusen is 1780 as Moorkolonie grünnt worrn.
De Watermöhl in Sandhusen-Myhl is 1795 anleggt worrn.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Oosterholt in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Landkreis Oosterholt worrn.
1928 is Neddersandhusen Deel von de Gemeen Sandhusen worrn.
De Oort is an’n 1. März 1974 Deel von de Gemeen Oosterholt-Scharmbeek worrn un billt sietdem en Oortschop mit egen Oortsvörsteiher binnen de Gemeen.[1]
Inwahnertall[ännern | Bornkood ännern]
| Johr | Inwahners |
|---|---|
| 1812[2] | 56 |
| 1824[3] | 8 Füürsteden |
| 1848[4] | 51 Lüüd, 8 Hüüs |
| 1. Dezember 1910[5] | 178 |
| 1925[6] | 175 |
| 1933[6] | 420 |
| 1939[6] | 410 |
Religion[ännern | Bornkood ännern]
Sandhusen is evangeelsch-luthersch präägt un höört siet 1. Oktober 1992 to dat Kaspel von de Emmaus-Kark in Pennigbüttel. Vörher hett de Oort to dat Kaspel von de Willehadi-Kark in Scharmbeek höört.
För de Kathoolschen is de Hillige-Familie-Kark in Oosterholt-Scharmbeek tostännig.
De Doden warrt op’n Karkhoff Pennigbüttel begraven.
Wapen[ännern | Bornkood ännern]
Dat Wapen von Sandhusen wiest op blauen Grund över en grönen Barg en sülvern un rood Windmöhl. De Schildfoot is dör en Wellenlien aftrennt un deelt. Vörn is op roden Grund en swart-sülvern Tollboom to sehn un achtern op gollen Grund en sülvern Escher.
Oortsvörsteihers[ännern | Bornkood ännern]
- opstunns: Jens Tietjen
Kultur[ännern | Bornkood ännern]
Verenen[ännern | Bornkood ännern]
De Turn- un Sportvereen Sandhusen is 1965 grünnt worrn.
Weertschop un Infrastruktur[ännern | Bornkood ännern]
Sandhusen hett en egene freewillige Füürwehr, de 1936 grünnt worrn is.
Verkehr[ännern | Bornkood ännern]
Dör Sandhusen löppt de Bundsstraat 74, de in’n Noordoosten över Wallhöben, Kuhs un Basdaal na Bremervöör to geiht un in’n Süüdwesten över Oosterholt-Scharmbeek un Hu’e na Bremen-Noord. Lüttjere Straten gifft dat in’n Westen na Freißenbüttel un in’n Oosten na Düvelsmoor.
De Opfohrt 16 Bremen-Noord op de Autobahn 27/270 liggt so 14 Kilometer in’n Süüdwesten von Sandhusen.
De nächste Bahnhoff is so bi dree Kilometer wied weg in’n Noordwesten de Bahnhoff Olenbüttel an de Bahnlien Bremen–Bremerhoben.
Scholen[ännern | Bornkood ännern]
De Oort hett en Kita un mit de Grundschool Sandhusen en egen Grundschool, de 1911 boot worrn is. Dat is en Butensteed von de Grundschool Pennigbüttel.
Footnoten[ännern | Bornkood ännern]
- ↑ Hauptsatzung von de Stadt Oosterholt-Scharmbeek, § 8
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
- ↑ C. H. Jansen: Statistisches Handbuch des Königreichs Hannover. 1824, Sied 528: http://books.google.de/books?id=tG0AAAAAcAAJ&pg=PA528
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ a b c http://www.verwaltungsgeschichte.de/osterholz.html
Düvelsmoor | Freißenbüttel | Garlst | Heilshorn | Hülsbarg | Ohlenst | Oosterholt-Scharmbeek | Pennigbüttel | Sandhusen | Scharmbeekstotel