Neddersandhusen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Neddersandhusen
Laag vun Neddersandhusen in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04791
Geograafsche Laag:
Koordinaten:53° 16′ N, 8° 51′ O
53° 16′ N, 8° 51′ O

Neddersandhusen (hoochdüütsch Niedersandhausen) is en lütt Dörp in de Gemeen Oosterholt-Scharmbeek in’n Landkreis Oosterholt, Neddersassen. Binnen de Gemeen höört de Oort to de polietsche Oortschop Sandhusen.

Geografie[ännern | Bornkood ännern]

De Oort liggt in dat Düvelsmoor. Dat Water ut dat Rebeed flütt över’n Peergraven na de Beek hen af. Neddersandhusen is op dree Sieden von dat Naturschuulrebeed Moor bi Neddersandhusen ümgeven.

De Naveröörd sünd Heilsdorp in’n Noorden, Verlüssmoor un Heißenbuttel in’n Noordoosten, Düvelsmoor in’n Oosten, Wulfsborg un Olendamm in’n Süden, Pennigbüttel in’n Süüdwesten, Sandhusen in’n Westen un Ströh un Spreddig in’n Noordwesten.

Historie[ännern | Bornkood ännern]

Neddersandhusen is 1780 as Moorkolonie in dat Düvelsmoor grünnt worrn.[1]

Verwaltungsgeschicht[ännern | Bornkood ännern]

De Oort hett vör 1885 to dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort weer fröher Deel von de Gemeen Ströh. As Ströh 1928/1929 mit Spreddig to een Gemeen tohoopslaten worrn is, is Neddersandhusen dorbi an de Gemeen Sandhusen wesselt. De Gemeen Sandhusen is denn an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn.

Inwahnertall[ännern | Bornkood ännern]

Johr Inwahners
1885-12-011. Dezember 1885[2] 25 Lüüd. 4 Hüüs
1905-12-011. Dezember 1905[3] 28 Lüüd. 4 Hüüs

Religion[ännern | Bornkood ännern]

Neddersandhusen is evangeelsch-luthersch präägt un höört to dat Kaspel von de Cosmae-un-Damiani-Kark in Hambargen. Dat is siet 1790 so. Vörher hett de Oort to dat Kaspel von de Willehadi-Kark in Scharmbeek höört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

För Neddersandhusen is de freewillige Füürwehr Sandhusen mit tostännig.

Verkehr[ännern | Bornkood ännern]

De eenzige Straat ut Neddersandhusen rut föhrt in’n Westen na Sandhusen an de Bundsstraat 74. De B 74 löppt in’n Noordoosten över Wallhöben, Kuhs un Basdaal na Bremervöör to un in’n Süüdwesten över Oosterholt-Scharmbeek un Hu’e na Bremen-Noord.

De Opfohrt 16 Bremen-Noord op de Autobahn 27/270 liggt so 16 Kilometer in’n Süüdwesten von Neddersandhusen.

De nächste Bahnhoff is so bi söss Kilometer wied weg in’n Noordwesten de Bahnhoff Olenbüttel an de Bahnlien Bremen–Bremerhoben.

Scholen[ännern | Bornkood ännern]

De Kinner von Neddersandhusen gaht na de Grundschool Sandhusen, wat en Butensteed von de Grundschool Pennigbüttel is.

Footnoten[ännern | Bornkood ännern]

  1. Robert Gradmann (Rutgever): Forschungen zur Deutschen Landes- und Volkskunde. Utgaav 25, Engelhorn Verlag, Stuttgart 1928, Sied 395
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 169
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144