Wulfsborg (Oosterholt-Scharmbeek)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Wulfsborg

Wulfsborg
Laag vun Wulfsborg in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04796
Geograafsche Laag:
Koordinaten:53° 15′ N, 8° 51′ O
53° 15′ N, 8° 51′ O

Wulfsborg (hoochdüütsch Wulfsburg) is en lütten Oort in de Gemeen Oosterholt-Scharmbeek in’n Landkreis Oosterholt, Neddersassen. De Oort höört von öllers bi Olendamm mit bi.

Geografie[ännern | Bornkood ännern]

De Oort liggt in dat Düvelsmoor. Dat Water ut dat Rebeed flütt över de Beek af, de üm un bi 400 Meter in’n Oosten von Wulfsborg langsflütt. Ümto doot de Naturschuulrebeden Törfkanaal un Randmooren (in’n Noordoosten), Wischen un Weiden noordoosten dat Brede Water (in’n Oosten), Breed Water (in’n Süüdoosten), Pennigbütteler Moor (in’n Süüdwesten) un Wulfsbörger Moor (in’n Noordwesten) liggen.

De Naveröörd sünd Neddersandhusen in’n Noorden, Düvelsmoor in’n Noordoosten, Weyerdelen, Oosterweed, Worpsweed un Weyermoor in’n Süüdoosten, Olenbrügg, Neenfeld, Neendamm un Pennigbüttel in’n Süüdwesten, Olendamm in’n Westen un Sandhusen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Oosterholt in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Scharmbeek in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

In dat 19. Johrhunnert hett de Oort to de Buurschop Olendamm mit bihöört. Olendamm is later en Deel von de Gemeen Pennigbüttel worrn. Pennigbüttel wedder is an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn. Binnen de Gemeen höört Wulfsborg vondaag to de polietsche Oortschop Pennigbüttel.

Inwahnertall[ännern | Bornkood ännern]

Johr Inwahners
1791-00-001791[1] 3 Füürsteden
1812-00-001812[2] 13
1848-00-001848[3] 18 Lüüd. 2 Hüüs
1885-12-011. Dezember 1885[4] 7 Lüüd. 1 Huus

Religion[ännern | Bornkood ännern]

Wulfsborg is evangeelsch-luthersch präägt un höört to dat Kaspel von de Emmaus-Kark in Pennigbüttel. Bet to’n 1. Oktober 1992 harr de Oort vörher to dat Kaspel von de Willehadi-Kark in Scharmbeek höört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Wulfsborg löppt de Landsstraat 153, de in’n Westen na Pennigbüttel an de Bundsstraat 74 ran geiht un in’n Süüdoosten över Düvelsmoor na Worpsweed un Leendaal. De B 74 geiht in’n Noordoosten över Wallhöben un Kuhs na Bremervöör un in’n Süüdwesten över Oosterholt-Scharmbeek un Hu’e na Bremen-Noord.

De Opfohrt 16 Bremen-Noord op de Autobahn 27/270 liggt so 15 Kilometer in’n Süüdwesten von Wulfsborg an de B 74 un de Opfohrt 14 Swonewebel op de A 27 15 Kilometer in’n Westen an de L 149.

De nächste Bahnhoff is so bi söven Kilometer wied weg in’n Süüdwesten de Bahnhoff Oosterholt-Scharmbeek an de Bahnlien Bremen–Bremerhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 358
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 137
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166