Mairie Oosterholt
De Mairie Oosterholt weer in de Franzosentied (1810 bet 1813) een von de veer Mairien, in de de Kanton Oosterholt indeelt weer. De Seet weer in Oosterholt. Se harr 2247 Inwahners.[1]
Historie[ännern | Bornkood ännern]
De Ümgegend von Oosterholt hett vör de Franzosentied to de Huusvaagdie Oosterholt un de Vaagdie Scharmbeek von dat Amt Oosterholt in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Oosterholt een von de teihn Mairien in’n Kanton Oosterholt von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Oosterholt weer nu een von de veer Mairien in’n Kanton Oosterholt, Distrikt Bremerleh, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de veer Mairien Oosterholt, Pennigbüttel, Düvelsmoor un Buschhusen (al veer in’n Kanton Oosterholt) höört harrn. Von de Mairie Buschhusen is blots de Oort Lintel in de Mairie Oosterholt wesselt. De Rest keem an de Mairie Scharmbeek.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd[ännern | Bornkood ännern]
Dor hebbt düsse Öörd tohöört:
- Königriek Westfalen:[2]
- Kaiserriek Frankriek:[1]
- Oosterholt (500 Inwahners), Oosternheid (37), Heidkamp (164), Hogenfeld, Weyerdamm (150), Muskau (62), Ahrensfeld, Ahrensfellerdamm (103), Neenfeld (41), Pennigbüttel (186), Wist (99), Myhl mit de Möhl (67), Neendamm (97), Olenbrook (56), Olendamm (91), Wulfsborg (13), Sandhusen (56), Düvelsmoor (453), Lintel (72)
Vondaag sünd düsse Öörd Deel von de Gemeen Oosterholt-Scharmbeek.
Footnoten[ännern | Bornkood ännern]
- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 13